■Sammi指米奇真的很有活力、給人充滿希望的感覺。香港文匯報訊（記者 植植）鄭秀文（Sammi）昨日出席銅鑼灣時代廣場的「米奇90周年展覽」開幕活動。童心大爆發地繑着米奇的手不斷仿效其招牌飛吻和歡迎動作，又跟米奇玩親親。Sammi笑言一向都有童心，但的確被米奇撩動得更多，因米奇真的很有活力、給人充滿希望的感覺，並希望大會能送她一個米奇老鼠公仔。
問Sammi會否在迪士尼樂園補辦婚禮，到時可再親親米奇？Sammi謂：「暫時冇呢個考慮，喺迪士尼搞婚禮係一個美好回憶，因為好多新娘都鍾意米奇老鼠。」Sammi被笑指是否因為鍾意「老鼠安」（老公許志安花名）而獲邀請？Sammi回應：「唔關事，因為自己有童心，而且今年係米奇90周年。（屋企隻『老鼠安』靚啲，定係米奇老鼠更靚仔？）當然是米奇老鼠，他還會周身彈呀，令人好開心！」
Sammi因為工作關係，所以昨早5時已經起身做運動，她說：「平時有一個早起的習慣，如果5點需要化妝，3點就會起身，雖然係辛苦，但係自己講咗要做就會堅持，係自己選擇的生活。」
望大家提高環保意識
香港市民飽受超級颱風「山竹」侵襲，影響生活，Sammi透露打風當日自己在家，她說：「屋企露台有鐵閘攔住，窗門也不致於太搖動，不過亦有密切留意新聞報道，看到有很多地方受到破壞，還有很多人受損傷。覺得香港好多人好慘，損失好大，甚至受傷，見到海面好多垃圾膠樽，經過今次令大家提高環保意識，睇到大家互愛精神，但係打風真係好可怕，打風翌日自己都要做嘢，普通市民慘，我坐公司交通工具，都遇到好多塌樹，有關當局都不停清理。」 Sammi最後不忘補充句：「但更希望是千萬不要再打風，好可怕！」