■王陽明要愛情唔要麵包。香港文匯報訊 （記者 植植）人稱「台灣第一帥」的型男王陽明（Sunny）主演的《蝕日風暴》即將踏入結局周，王陽明近日在蘇州接受專訪，他更直言「樊毅」一角，是他從影以來最想挑戰的角色，又明言麵包比唔上愛情，實行戀愛大過天！
多次在社交平台上透露恨拍警匪片，王陽明表示這是他的兒時夢想，「從小就好鍾意睇警匪片，做咗演員之後，一直同自己講，有一日一定要拍警匪片！」談到樊毅一角，Sunny認為他是可憐的，「樊毅係一個好複雜、好有深度嘅角色，如果你有追劇，你就發現佢一開始係一個正派、重義氣嘅好警察，後來因為社會上嘅種種壓力，令佢不得不作出一啲改變、變得比較黑暗，係一個有好多轉折嘅角色。佢有好有壞，但係我覺得，最後佢嘅內心，仍然係一個善良嘅好人，只係走偏咗，有時候生命中唔係只有黑同白，點都會有啲灰色地帶。」
提到最難忘戲分，Sunny表示：「太多喇，講都講唔晒！劇中有好多打戲，我同Chilam、Toby打到呢??得意嘅係，一開頭以為警匪片會有好多槍戰，原來打戲最多，哈哈！好多場戲都好難忘，因為所有嘢對我嚟講都係第一次！加上呢齣劇有好多香港知名演員參演，同佢哋合作都係我嘅夢想，因為細細個睇到佢哋嘅作品，冇諗過依家可以同佢哋做對手戲，都令我好難忘。」
說到樊毅為了金錢名利而放棄愛情，Sunny則笑言「麵包」比不上「愛情」：「（現實中）一定係揀愛情，呢個問題太簡單喇，愛情永遠係最重要！家人、愛情，係麵包同錢買唔到嘅。」