■李美慧為老公曾文豪生下可愛千金。香港文匯報訊 藝人李美慧在劇集《宮心計2深宮計》中飾演太平公主近身宮女秦槐，演技令人眼前一亮！現實生活中，美慧今年6月與富豪曾文豪拉埋天窗，當時美慧已經懷有身孕，雙喜臨門！
日前美慧「卸貨」誕下愛女，小公主重6磅精靈可愛，美慧笑言樣子較似爹哋，講到過了預產期才順產，她說：「都係正常作動冇幾耐就生咗，唔算好辛苦。（老公有冇陪住生產？有冇剪臍帶？）老公有陪住我，但就好似冇剪臍帶。（你哋有冇感動到喊？）冇喊，我哋都好堅強，老公不停喺旁邊安慰我，不停鼓勵我，見到BB真係好開心！（BB改咗名未？）仲未決定好呀！」榮升人母的美慧表示為BB健康會盡量努力餵人奶，現在上圍暴升兩Cup，新手媽媽對於餵哺方面一頭問號，所以之前已找定專業催乳師幫手。講到初為人母的感受，美慧說：「感謝主賜給我們一個聽話嘅BB。（對BB有咩期望？）最希望佢以後可以做動物醫生，幫助更多生命。（老公有冇送咩畀你獎勵？）佢嘅陪伴已經係最好的獎勵啦！」