周生乜又係你呀？「新民主同盟」個蛇齋瑋（周炫瑋）搞高鐵團，又俾人踢爆懷疑用公家嘅蛇齋餅䐥h扮自己嘅嘢，都咪話唔厲害，令人「欽敬」。呢一招好快亦都喺坉蚅珓蛂u發揚光大」，佢嘅黨友關永業同任啟邦都照辦煮碗，一於齊齊違規。
涉貼自己樣邀功誤導人
話說各區區議會間唔中都會整啲禮物送畀街坊，大埔區議會最近就整咗堆月曆。「泛民可恥行為事件簿」fb專頁近日就爆蛇齋瑋嘅蠱惑嘢出嚟：話說有街坊見到原本大埔區議會嘅月曆上，蛇齋瑋加料貼咗張印有自己個樣嘅貼紙，仲有自己嘅聯絡方法，兼遮住晒區議會嘅QR Code，就咁睇仲以為係大埔區議會個蛇齋瑋送嘢畀大家𠻹。
「泛民可恥行為事件簿」質疑：「蛇齋瑋將用區議會錢做的日曆，好賤咁貼上自己的樣，仲要遮實區議會資料，被指違反撥款指引。」
睇返區議會嘅網站，區議會撥款嘅用途限制包括「對個別人士、商業機構、政黨或政治團體過譽或過分宣傳的活動。」
網民「Kin Tak Fong」就批評蛇齋瑋「不知所謂」，亦有人鬧佢唔要面。
咁蛇齋瑋點睇呢？話說有網民都將呢個post貼咗去其他群組度，仲有人tag（標註）埋蛇齋瑋𠻹，點知蛇齋瑋一句「多謝黨」就當自己回應咗，呢啲咪口講聽市民意見、實際上當你冇到嘅「泛民」囉。
呢頭話完蛇齋瑋，過兩日又見到佢其他黨友一樣咁賤。「泛民可恥行為事件簿」前晚又貼相出文話︰「新民主同盟又多兩件無恥之徒做無恥行為。又係（喺）政府資源貼上自己的×頭，就當係自己的宣傳品。」
其實都合理嘅，梗係志同道合先做到黨友啦。
■香港文匯報記者 鄭治祖