咩叫包庇？咪就係一個人有釘牌危機時，有另一個人幫佢擋囉。話說社工註冊局成員選舉結果前日出爐，由「社工復興運動」等派出的8人團隊全取8席，當中包括曾經喺違法「佔領」期間向警員淋不明液體嘅公民黨前成員曾健超。「佔中九男女」案件主角之一、立法會社福界議員邵家臻嚟緊或者會被定罪，曾健超被問攞晒8席係咪可以幫到邵家臻唔使釘牌時，佢就開口話「會盡最大努力保障每個同工不會因政治原因而除牌」喎，明晒。
其實曾健超自己都曾經喺釘牌唔釘牌之間走過，當然特別明白邵家臻嘅處境。當時曾健超因為向警員淋不明液體，被判襲警及拒捕罪成，俾人投訴違反社工專業操守，一度俾社工註冊局個紀律聆訊委員會審過，最終委員會唔使佢停牌，但就書面警告咗吽C
打開口牌 擺明放生
今次自己連任註冊局成員，睇嚟一旦邵家臻因為「煽惑他人作出公眾妨擾」及「煽惑他人煽惑公眾妨擾」而被定罪嘅話，邵家臻都要行返曾健超條舊路。有傳媒就問曾健超今次喺社工註冊局攞晒8個民選成員嘅位，係咪可以幫到邵家臻，佢就話自己「不便回應個別案件」，但同時亦開口講到「會盡最大努力保障每個同工不會因政治原因而除牌」。
另一個連任嘅成員梁傳孫一邊話唔會特登保住一個人，但又打晒開口牌咁話，有時有啲行動可能係「社工嘅天職」、「為社會爭取」，佢哋8人團隊嘅政綱都講到希望令紀律聆訊委員會「有另一邊視角」，等委員會「兼顧」到「兩邊聲音」喎。咁樣睇嚟，邵家臻就算俾法庭判咗有罪，紀律委員會都可能放生佢㗎。
講返個選舉，註冊局有15個成員，7個係政府委任同社署署長或其代表，另外8個民選產生。今次社工註冊局有近5,500人投票，佔全體社工人數兩成多啲，除咗曾健超同梁傳孫，其他當選嘅人包括註冊局主席倫智偉、丁惠芳、陳芷瑋、伍銳明、郭毅權、張麗怡。
攝石黎緣盡社工註冊局
選舉自然有人歡喜有人愁，曾經喺「中箭（香港眾志）」到被恥笑係攝石黎嘅黎汶洛，今次都有以社工身份參選，結果得700幾票，俾人大幅拋離，睇嚟奀爣q政路真係好窄嘞。 ■香港文匯報記者 甘瑜