反對派經常講香港選民質素高，所以應落實「真普選」，但同時將「蛇齋餅䐓v掛喺口邊，話選民貪小便宜所以喺選舉時投建制派喎。「港人講地」fb專頁昨日就踢爆，民主黨立法會議員林卓廷，就同佢個打算參加今年區議會選舉嘅黨友莊榮輝，喺一間酒家大搞「蛇宴聯歡」(圖)。
專頁仲引述咗網民話，「蛇齋餅䐓v本身並無問題，奇就奇在包括非建制派中人不只一次邊罵建制派「蛇齋餅䐓v，一邊自己卻「大搞特搞」，明顯有雙重標準之嫌。
反對派雙重標準其實都唔算係咩新鮮事。好似舊年12月，民協總幹事李庭豐就向傳媒「告狀」，話民建聯屯門區議會主席梁健文向街坊免費派過百架買餸用嘅手拉車，係「蛇齋餅膄伔讀屆v、「買支持」咁話。
有網民貼咗多張反對派議員嘅海報，由派䐓B派奶粉、蛇宴到平價旅行團都有，揶揄︰「『泛民』區選贏硬啦！」
網民「Lai Ping Chu」留言批評林卓廷：「人地（哋）就唔得，佢（反對派）做乜都得！」「Cheng Tak Keung」寸道：「變成厚顏無恥方可成政客。」「Focke Lo」喺留言中更借機揶揄喺UGL事件中窮追猛打的林卓廷：「是否有賄客（賂）選民？ 要好似UGL事件咁去要求廉署好好調查一下，就算廉署唔能够立案，律政司都要有獨立的人士俾（畀）意見， 就算俾（畀）完都要再另一個獨立人士俾（畀）意見睇吓俾（畀）意見果（嗰）個獨立意見的意見有無問題，總之就係無限輪迴！」 ■香港文匯報記者 陳川