■「勇武前綫」鬧爆小麗老千將捐款射落海好無恥。fb截圖「自決派」嘅小麗老千（劉小麗）先前為咗參選立法會九龍西補選而撤回上訴，即係唔使再用所謂「守護公義基金」籌返嚟嘅錢，但啲錢點算？佢似乎又諗到辦法再揈過嘞，就係提出選舉呈請，聲稱要推翻反對派今次補選又輸一席嘅結果。唔少網民鬧爆小麗老千無恥，反問如果工黨李呃人（李卓人）贏咗，佢仲會唔會選舉呈請？有人就批評佢輸打贏要，仲話佢用「守護公義基金」幫自己打官司，同將啲錢射落海冇分別。
九西補選都完結咗差唔多兩個月，之但係小麗老千好似未瞓醒咁，仲未識自我反省，唔肯接受現實之餘仲要怨婦上身，話自己同緊律師團商討，又話視乎「守護公義基金」係咪確認會支持佢提出選舉呈請，咁佢就會提出選舉呈請喎，最重要嘅係，如果基金唔批，佢就話要再搞眾籌咁話。
無賴到咁，連「港獨」fb專頁「勇武前綫」都忍唔住鬧爆小麗老千輸打贏要勁無恥：「邊有人咁無恥架（㗎）？自己被DQ咗派個『PlanB』去選，自己又以受害者姿態助選，咁可否理解為同意呢次選舉呢？哦輸咗就選舉呈請？咁如果李卓人贏咗呢？」
「勇武前綫」又話：「仲用『守護工（公）義基金』去打官司？×，同丟落海有乜分別？有選舉已（以）來有幾十次選舉呈請，有冇一次成功先？乜唔係有勝算先去做咩？」使人哋嘅捐款就使得咁豪爽，去到要捐自己份糧就三催四請兼臨到補選先肯捐，小麗老千係得嘅！
網民「Andy Goh」質疑︰「點解唔喺選之前就提？」「Elvis Ng」就突破盲腸反問︰「我寧願冇DQ過你。你選，會贏咩？」「So Kin Ming」看透世事咁揶揄小麗老千︰「我撑（撐）你，快d（啲）眾籌揾銀上訴到底，一定要堅持眾籌！」 ■香港文匯報記者 何西
小麗老千又呃錢
Anna Tsang：恨做議員恨到發高燒呀！
Ting Ying Yu：司馬昭之心，主要玩CAP水！明白晒！
Ping Fat Ng：妳上訴唔緊要，......但唔好用納稅人錢。妳自己找數！
Agostinho Chok：自己大把錢為何經常要騙市民血汗錢去為自己私利打官司，是否香港人欠了他們？
Macy Kong：年關將至，要錢買嘢㗎，唔眾籌，唔通佢賣身咩？
Yeung Kam Tim：唯發達易是眾籌，免稅無審查，重要係有人信有人捐。