鴿黨（民主黨）「普通黨員」劉慧卿當黨友林卓廷係契仔咁錫就眾所周知啦，總之唔得卿姐寵愛嘅妠N話之你係生係死啦！話說早前退黨嘅「前綫系」、身兼「將軍澳關注組」主席嘅柯耀林日前接受訪問時話，自己跟隨卿姐成19年，但退黨後對方完全冇接觸過佢，並形容自己退黨係無奈同唏噓。唔少網民都勸佢睇開啲，話卿姐唔踩多人一腳咪偷笑囉！
新界東支部早前多達59人退黨，包括多名區議員及「前綫系」成員，炮轟林卓廷人格卑劣同喺黨內隻手遮天。曾任卿姐助理嘅柯耀林日前接受傳媒訪問時就話，對今天分道揚鑣感到「無奈，覺得唏噓」。
柯耀林又話自己自前綫年代跟隨卿姐成19年咁耐，「卿姐睇住我成長，了解我性格同待人接物手法」，但近年就信外人多過身邊嘅人，自退黨之後對方完全冇接觸過佢，似乎就係暗寸佢盲信林卓廷喎。
新聞出街後，網民梗係抽返幾句水啦！「Raymond Wong」揶揄：「卿姐唔踩自己友你已經偷笑啦！」「Kirst Chan」就話：「算罷啦！民主黨冇民主，嘥×氣！」「陳德鴻」就話：「人格卑劣林卓廷！」其實，反對派行「大佬文化」都唔係第一日嘅事，不過佢哋咁樣玩法，睇嚟四分五裂亦都係遲早嘅事嘞。 ■香港文匯報記者 何西