■陳茂波噚日喺fb上載咗自己一張接波相。陳茂波fb圖片近年香港人越嚟越鍾意喺網上面發表意見、談論社會大事，政府官員都要跟上節奏，喺網上廣納意見先得。下個月將要公佈新一份財政預算案，財政司司長陳茂波噚日就喺facebook上載咗自己一張接波相，宣佈自己嚟緊星期日下晝會做fb直播同網民交流，實行要「正面接波」。
陳茂波話，佢會喺嚟緊星期日嘅下晝4點到5點喺財政預算案專頁（https://www.facebook.com/Budget19to20/）做直播，歡迎大家到時即時提問，亦都可以喺專頁度預先寫低想問嘅問題。
話就話「正面接波」好有氣勢咁，但陳茂波都喺hashtag（標籤）度透露心聲，話「第一次做Live有啲緊張」㗎。■香港文匯報記者 鄭治祖