■右起：劉青雲、林嘉欣與張家輝昨日遊維園。香港文匯報訊（記者 梁靜儀）劉青雲、張家輝與林嘉欣昨日到維園年宵市場為賀歲片《廉政風雲 煙幕》宣傳，吸引到不少市民圍觀。
青雲與家輝原來都是首次逛維園年宵市場，因二人小時候都是住九龍區，青雲表示小時候跟爸爸行花市，最愛買玩具、膠公仔及鮮花，而近年都會與太太郭藹明逛年宵，但多會揀下午人流少的時候去，之前都有買桃花，但現在不再買，問到是否太多桃花？他笑着否認：「唔係，因為屋企放唔落。」家輝表示十多歲的時候都有行花市，主力食魚蛋豬皮。嘉欣以前住銅鑼灣，但已十幾年沒有行花市，亦未試過帶兩個女兒來逛。
昨晚三人出席完電影首映禮後，今日又要到蘇州宣傳，家輝大呻辛苦：「辛苦過開部戲，拍一部戲都係十幾組，但宣傳就要廿幾三十組。」說到《廉》片題材嚴肅，有別其他賀歲片題材？家輝說：「咁先正，有個性，有內涵，過年睇返部正正經經嘅，唔一定要搞笑、紅噹噹、恭喜發財，雖然係應節，但有一部正經戲都係好選擇。（可會支持其他賀歲片？）如果時間許可都會，睇吓邊部有飛。」家輝又預告會同太太及女兒入場睇戲，可能會喬裝入場睇觀眾反應。青雲亦表示會跟太太入場欣賞，嘉欣就最開心，因為終於可帶兩個女入戲院：「之前都冇試過，因為怕佢哋睇我啲喊戲會心痛，喺戲院大叫媽咪。」至於可有信心成為今年賀歲片票房冠軍？家輝與青雲均稱有信心。