■鄭中基三代同堂一起綵排。香港文匯報訊 《鄭中基One More Time 世界巡迴演唱會-香港站》將於年三十晚、年初一、初二、初四及初五假紅館舉行，與歌迷一起送狗迎豬。
開騷進入倒數階段，鄭中基（Ronald）近日加緊綵排，坦言心情緊張又興奮，皆因今次特別有三代同堂表演，愛女Emma有別之前上台唱幾句賀年歌，囡囡今次親自揀歌兼唱足整首，爸爸鄭東漢則負責結他伴奏。
Ronald笑言：「同Emma綵排嗰陣，我以為佢會緊張，點知好輕鬆，搞到我都唔知點算好，我諗咗好多佢緊張嗰時要點樣安慰囡囡嘅方法，而家全部用唔到。不過OK嘅，大家嚟睇吓坁簅t成點啦。」Ronald愛女之情表露無遺，連太太余思敏也緊張埋一份，早前囡囡考試未能參與綵排，太太開金口代唱幫忙錄demo，讓囡囡在家一邊聽一邊練習。
Ronald激減30磅操弗開騷，問到今次如何為演唱會操弗？Ronald分享減肥心得-戒油膩、戒肥豬肉、如果沒有舉重就戒澱粉質、可食雞牛、多食蔬菜、煮食用橄欖油；隔日交替做器械、有氧運動。至於時值流感高峰期，Ronald表示做足防護措施：「戴口罩，少去人多地方，食多啲生果、做多啲運動增強抵抗力。」
演唱會除了每晚邀請到陳明憙擔任嘉賓，另有不同藝人好友助陣。Ronald坦言在新春期間碌這張人情卡，並唔容易：「適逢過年，好多人都出埠，好在幾經辛苦都請到，大家唔使擔心。」