港鐵近日負面消息多多，俾人鬧都冇得好講，但如果俾人明屈，就有必要講返清楚嘞。話說早排發生列車相撞意外，港鐵主席馬時亨就見記者，當日離港。《蘋果日報》就引用「讀者爆料」，話佢一開完記者會就搭飛機去上海虹橋機場，「似係去打高爾夫球」喎。
根據嗰個讀者提供張相，唔見佢有拎高爾夫球袋喎？《蘋果》就引用嗰個讀者口噏噏、言之鑿鑿咁話見到馬時亨喺行李輸送帶拎走一個高爾夫球袋，但對方行出禁區時，手推車上就只得普通行李，高球袋「離奇地不知所終」喎。
其實呢，馬時亨當時係去北京開會，喺途經上海被人撞到，而佢去年底做過手術，醫生吩咐過佢唔好打波，所以到現在都一直無打過波。相信無論點鍾意打波，都唔會搵自己條命嚟較飛啩？喺《蘋果》報道出街之後，馬時亨其實係有向對方澄清過嘅，但對方冇埋佢囉！
■香港文匯報記者 陳川