■李柱銘（右三）、涂謹申（右五）等人與佩洛西（右四）合照。 「自由亞洲電台」網站圖片到底班香港反對派係服務香港人定係美國人，唔使講咁白啦啩？民主黨立法會議員涂謹申前日連預算案嘅撥款都唔投票，急急腳飛去美國同「禍港四人幫」之一嘅李柱銘慶生，兼夾趕到同美國國務卿蓬佩奧見面。連反對派都批評佢哋唔安分、唔盡責去審議議案，淨係掛住飛去美國。有網民就揶揄涂謹申班人︰「你哋幾位， 去搵你哋嘅金主述職呀？」
「獨」師質疑「真焦土」
中大「獨」講師劉正噚日又喺坉耖acebook專頁「無神論者的巴別塔」度出文，剖析涂謹申等人嘅行為。佢指出，今次財政預算案嘅撥款投票，民主黨嘅一嚿雲（黃碧雲）、許智峯、涂謹申同公民黨嘅郭榮鏗都缺席投票，「『黃屍（絲）狗』就係會無視前兩者只識講『就唔知』，但涂謹申、郭榮鏗就急急腳仆出黎（嚟）話佢地（哋）『去咗美國同德國為《逃犯條例》努力喎』，叫你『唔好亂UP（噏）』。」
劉正話，自己一直都質疑啲「飯民」議員響立法會會期中間走去外國進行所謂「游說」究竟有乜意義。佢仲話，既然李柱銘、工黨李呃人（李卓人）等都已經去咗，「你涂謹申同郭榮鏗就唔該安份（分）留番（返）響香港盡你立法會議員嘅責任審議議案，至於『黃屍（絲）』話咩『更加立體同人解構成件事』，×你老×真係噏得就噏，人唔笑，『黃屍（絲）狗』都吠啦！」
劉正話，人哋外國一直都知香港發生咩事，「唔通就因為你地（哋）幾句說（話）會說服倒（到）佢地（哋）取消逃犯引渡協議，或者『制裁』大陸官員咩！」佢又質疑班反對派，一時話「一國兩制」有問題，一時又話「有險可守」；一時話政府點樣做會影響《香港關係法》，一時又話自己「成功爭取美國延續《香港關係法》」，「究竟你地（哋）去係想執行『焦土政策』要求外國政府全面封殺香港，定係想保住香港自由港地位唔好被制裁，唔該你地（哋）先向香港市民交待（代）立場先！連立場都未諗清楚，去外國游說乜×？」
「做完騷去收尾數？」
唔少網民都睇穿涂謹申咁急飛美國係另有圖謀。「Dean Cheung」揶揄︰「做完大龍鳳，去美帝收尾數！」「Wong Samuel」問︰「你哋幾位， 去搵你哋嘅金主述職呀？」「Spi Da」就反諷︰「做完立法會show，又到美國show，都好忙下（吓），搵食冇辨（辦）法。」「Chiwai But」認為︰「（反對派）又要去請示上頭，點攪（搞）死香港！」
「Chan Winson」反問︰「班白痴偽民主信徒知唔知班人在害香港呀？中美貿易戰去美國，比（畀）借口人攻擊，破壞香港。如果真心為香港你會去破壞它嗎？」 ■香港文匯報記者 甘瑜