反對派不擇手段騎劫學校，去催谷6月9日反修例遊行的人數。其中，「香港眾志」就試圖騎劫中學生參與遊行，此前企圖黐對方金糠但食檸檬的「學生動源」召集人鍾翰林，就發難渣踢爆所謂「中學生反修例關注組」已經被「眾志」所滲透、騎劫，甚至隱瞞參與者可能面對的風險，話到有人俾警方拉咗至算喎，實在不負責任至極。
「學動」鍾翰林發帖踢爆
繼前日發帖批評後，鍾翰林昨日又發帖質問「眾志」：「可唔可以解釋下有關於貴組織成員近日滲透中學生反修例關注組嘅事以及騎劫有關IG專頁，甚至暗指『學生動源』準備利用中學生策劃暴力抗爭？甚至透過中間人向我哋組織表示唔好向參與遊行嘅中學生表示是否需要被捕支援，咁樣會嚇親佢哋，暗指無需向學生說明遊行風險。」
他其後轉發了自己友「Yanni Loren Ho」的帖子：「『香港眾志』你啲成員點×樣？第一次問佢哋被捕支援，佢哋話唔理，啲學生被人拉咗先算，我已經好唔滿意，......但係而家喺度開哂（晒）名話跟學動會被捕算點？跟著（着）佢哋就×街啦，開到口話班學生被捕唔會理。」
帖中續鬧：「你哋最鍾意講槍口對外㗎嘛，乜啲成員咁×街連呢啲大是大非當前都仲咁鍾意搞小圈子嘅？當呢度係你學校啊？要玩是非就唔好喺呢啲重要關頭仲要衝出嚟扮leader啦！......已經忍咗好多次，『眾志』可唔可以教吓班細嘅做人？」
觀乎「眾志」同「學動」，都係想借學生搞衝擊攞威，現在大家「爭客」鬧不和爆內幕都係一件好事，等大家睇清呢班人嘅真面目。
■香港文匯報記者 陳川