■劉澤鋒所謂「大部分市民」的投票結果。 fb圖片攬炒派學聯代表會前副主席、「港獨」分子劉澤鋒日前信誓旦旦走去街邊搞投票，聲稱要睇下幾多市民撐「攬炒」，最終竟喺facebook聲言，「實行政治攬炒，已成主流共識。」不過，唔出三句話就露晒馬腳，佢批評有啲攬炒派話𠵱家唔係「攬炒」合適時機，係「俾市民牽住鼻走」，但頭先唔係話大部分市民撐「攬炒」咩？唔知咧。
劉澤鋒早兩日喺facebook話自己搞投票活動，雖因天氣關係街站一度受阻，「卻不減市民嘅熱情」。佢話投票問市民撐唔撐議會「攬炒」，結果獲「大部分」市民「支持」，又號稱「當中不乏中年人同老人家」，但睇吓吨W載幅圖，就知道到底有幾「大部分」。
佢又話「民主派」爭取議會過半，實行政治「攬炒」已成「主流共識」，但有意參選功能組別嘅攬炒派，認為社會經濟經疫情衝擊之下，「攬炒」非合適時機。
不過，之後佢講漏嘴，「作為從政者，我哋應該主動提出長遠對香港有利嘅方向，說服市民了解同支持我地（哋）嘅主張，並唔係俾市民牽住鼻走。」明顯係講緊選舉當前，有啲虛偽攬炒派為驚得罪大部分想過安寧生活嘅選民，𠵱家唔敢聲言自己嘅「攬炒」計劃，而呢點又咁啱令佢口中乜「大部分市民『支持攬炒』」唔攻自破啦。
講到咁熱鬧，篇帖文得返寥寥回應，好似市民都用行動表達緊，撐「攬炒」，你慳啲啦。 ■香港文匯報記者 文根茂