■洪駿軒企圖左右逢源。 fb圖片神又係攬炒派，鬼又係攬炒派。憑住打爛香港上位嘅一眾泛暴派，搞到香港黑暴去到𠵱家都未完。選舉將近，最識左右逢源嘅�哋，心知肚明黑暴搞到天怒人怨，於是開始做騷為街坊「討福利」。既然攬炒派咁「有心」，一係做戲做成套，為咗啲被人扑爛嘅無辜商舖企業，深受黑暴連累嘅普通市民，公開叫啲「手足」收手啦。
「中箭」頭目黃之鋒之前上躥下跳，為西方主子提供彈藥毀香港，喺國際舞台「風光無限」，幾時諗過勞苦百姓嘅死活。早前就盛傳佢要參選下屆立法會，於是就見佢突然轉軚，同黨友、立法會選舉「Plan B」觀塘區區議員梁凱晴喺街邊倡議「設立失業救濟金」，扮關心民生嘅「救世主」，交政府科水救人，但就冇見佢痛定思痛，為自己破壞香港害到香港打工仔咁慘而道歉同承擔後果，市民都要睇清佢哋手段，醒醒定定呀。
攬炒派白鴿黨觀塘區議員洪駿軒日前則喺facebook開post，假惺惺話中銀翠屏分行外貼出告示，話會暫停營業，又聲稱自己「明白」區內不少街坊及老友記均十分依賴中銀，翠屏團隊立即向中銀及領展查詢，並去信要求保留中銀翠屏分行。
之前攬炒派煽動黑暴，搞到香港成年冇安寧，市民怨聲載道。見風使舵嘅�哋𠵱家又開始做騷，搞到好似幾體恤民間疾苦。不過眼見𠵱家黑暴再嚟，如果呢位「一心為民」嘅區議員真係有心為街坊，不如譴責暴力，叫啲「手足」收手啦。 ■香港文匯報記者 文根茂