■近日「黃絲」群組興起夾錢喺《蘋果日報》登廣告。 《蘋果日報》fb圖片「黃媒」批眾籌登廣告都唔幫窮困前線 反被質疑搞分化
俗語話講錢傷感情，所以「黃絲」對「手足」都只會「講心唔講金」。話說近日各大「黃絲」群組興起一股新風氣，就係夾錢喺《蘋果日報》登頭版廣告，「黃媒」「卡比日報」嘅主持Sam近日就喺facebook發帖批評，話有「手足」窮途末路要鋌而走險，亦有被控暴動罪嘅「手足」無錢打官司，但呢班所謂「同路人」就日日煩惱籌錢同登啲乜嘢喺《蘋果》頭版，真係夠晒「手足情深」。同預期一樣，一向玻璃心嘅「黃絲」完全聽唔入耳，仲紛紛留言鬧Sam係「鬼」要搞分化，甚至講到明《蘋果》同黎智英的確係重要過「手足」??！■香港文匯報記者 鄭治祖
Sam日前喺�嘅fb專頁「English Lesson for Freedom」發帖，話佢最近接觸咗一個唔夠廿歲，因為去年「風火」而被家人趕出家門嘅細路，呢個細路話佢返散工賺嘅錢根本唔夠交租，諗住反正就嚟坐監，不如跟黑社會搵食喎。
網民：幫前線冇畫面睇蝕桌
Sam話自己聽完就火滾，話喺《蘋果》登一次頭版都成十幾萬，但啲「黃絲」群組就一呼百應，反觀唔少窮到生活都成問題嘅「手足」就冇人理，真係「好×嘢」。
網民「Dirbyh Gnir」就講出呢班「黃絲」嘅心底話：「登廣告人人見到畫面靚，感動又威威。幫個前線（但）《蘋果》唔報就冇曝光冇畫面，蝕卓（桌）呀。」「Ho Hin Fishman」補充：「如果冇咗《蘋果》（嘅）附帶後果點樣會累到前線？咁又係嘅冇人再影理大逃生路線出嚟，梗係唇亡齒寒。」
「林煙煙」就不滿反駁：「我只係想講與其×人捐錢登報，你不如擺條link（連結）比（畀）大家捐錢，正如呢個比（畀）屋企踢出來嘅case（個案），佢有冇求助，求助左（咗）咩組織無人知......我暫時亦見唔到眾籌post，點幫？」「Agnes Su」亦質問：「你又知佢哋冇人幫？幫咗又唔通大大聲講出嚟？幫《蘋果》都係幫『手足』嘅一種，你又係分化×！」
「Casper Kui」就慨嘆：「《蘋果》冇錯，『泛民』冇錯。邊個話佢哋，就係鬼、『熱狗』！有咁嘅思維，香港邊有得救」。
「手足」求救逾月僅82人出手
「Gabriella Leung」就轉載咗網上討論區「連登」嘅一個帖文，內容係一位自稱前線嘅「手足」，聲稱自己因為面臨審訊隨時坐監，但佢讀緊書冇返工，所以擺咗條link出嚟想大家眾籌「支持」吓吽C雖然呢個post喺「連登」有逾800個讚好，但我哋噚日睇過佢嘅眾籌post，原來過咗一個月都只係得82位「同路人」肯出錢資助，睇嚟「黃絲」真係物輕情義重！
點解「黃絲」唔肯撐「同路人」？「Ken Lok」就坦言：「講真，要幫，可以有咩途徑？全部都係朋友個朋友再唔係講個信字，又唔係唔知有幾多人呃錢搵飯食。」「陳四」亦坦言：「肥佬黎（黎智英）重要過『手足』好多啦下（吓）話。」「Cecelia Cheung」就話：「《蘋果》捱唔住執咗，只會有更多『手足』受害，所以點都要撐住《蘋果》先」喎。