■李軒朗喺fb發帖，話收到其他區選參選人提出嘅選舉呈請，所以要眾籌應付法律開支。李軒朗fb截圖廿一世紀日新月異，唔少職業應運而生，最搵笨嘅可能係「眾籌師」。今年先參加完所謂「初選」嘅攬炒派九龍城區議員李軒朗日前就喺facebook頻頻發帖，話自己舊年雖然贏到選舉，但其後就收到其他參選人提出的選舉呈請，故「希望向大家提出一個非（不）情之請，向大家籌募部分金額應付法律開支，並懇請大家鼎力支持」。開口就叫人入錢畀佢喎，有「手足」就質疑：「做咗差唔多成大半年議員啦，自己冇為呢啲事儲錢？」
食慣血饅嘅攬炒派覺得「黃絲」易攞錢唔出奇，但連詳情都欠奉就想叫人課金，會唔會又太過老奉呢？攬炒派支持者「流浪橘貓」就喺連登開post鬧李軒朗：「對家有合理理據去做覆核咩？個理據又係咩？可否比（畀）大家了解清楚詳情先去捐？」
網民質疑：有糧出都要籌？
有網民就唔明，區議員有糧出，點解仲要籌。「人生x流流長」咁講：「老老實實，做都做咗差唔多成大半年議員啦！自己冇為呢啲事儲錢？有咩理由呢啲都要籌？係咪『初選』洗（使）多咗？而（𠵱）家冇錢幫自己打官司啊？ 我覺得要多啲detail（詳情），邊個告、點告、大約要幾多、自己出咗幾多，票就投咗比你，真係盡晒義務，而家仲要係咁少detail（詳情）嘅情況下叫我捐錢比（畀）你！」
其實，攬炒派「眾籌師」何其多，好似東區區議員仇栩欣日前就喺facebook學人話要為私人檢控「濫暴警」而搞眾籌，仲話要籌110萬??。不過，層出不窮嘅手法一樣俾唔少網民鬧爆，有網民就反問仇栩欣︰「眾籌？ 你地（哋）吾（唔）係大把義務律屍（師）支援架（㗎）咩？
「Duncan Wai」就揶揄：「眾籌有乜好處，就係唔記名囉！好似許至瘋（許智峯）咁都未打已輸，錢銀就退唔到俾你。」「Jason Chan」就話：「又眾籌！係咪當d（啲）手足on（戇）×！」 ■香港文匯報記者 黃書蘭