■伍健偉fb專頁仍未改名。 fb截圖想喺政壇出名其實好簡單，學吓元朗區議員伍健偉就得啦。伍健偉早前「豪情壯語」，話要喺一個星期內同立法會議員何君堯鬥多facebook Like（讚好）數，仲拍晒心口話輸咗就會辭職做「港豬」，結果梗係輸咗都賴死唔走啦，事後仲死撐呃Like只係為咗建立「新界西地區議政平台」，自己日後會開個新fb賬戶「以正視聽」喎，咁唔知佢今次又有冇走數呢？
伍健偉早前話要同何君堯喺fb鬥多Like，輸咗妠N辭職且永不參政，但唔夠兩日就因為怕輸改口話「不可能單單為了一個讚好而賭上整個政治生涯」，結果惹嚟「同路人」同網民嘅瘋狂狙擊。
其實，佢坦白認錯最多都係俾「自己友」笑吓，點知佢就講到自己「早有計劃」，話呃Like只係為咗衝高專頁Like數，更準備將專頁改名做「新界西地區議政平台」，等大家有地方可以參與「公民議政」喎。
咁唔知「黃絲」有冇體諒伍健偉嘅苦心，喺呢個「平台」好好議政呢？答案梗係冇啦！點解？因為個「平台」隔咗成個星期都未出現囉。我哋噚日睇過，伍健偉個fb依然係叫「伍健偉Ng Kin Wai」，點入去睇個人資料先見到「NTWPoliticalPlatform（『新界西地區議政平台』英文簡寫）」呢行字，唔知網民收唔收貨呢？
「Luke Luk」就講明唔收貨：「說好的改名呢？又話自己嘢就另開帳（賬）戶講？點解兩樣都未做？又走數呀？」「TszChan Fung」就回應話：「預料之內吧」。「Angela Yu」話：「可能facebook改名要入紙申請呢！過咗下屆立法會選舉就會批架（㗎）啦！咁快改咗吨U年選舉點拉票呀？」「Wong TingTing」狠批：「走咗一次唔爭在走第二次啦」。「Danny Lam」就點出「信『黃絲』一成，全身殘廢」。
每個post都被網民問幾時辭職
伍健偉呢幾日仍若無其事咁喺fb出post「論政」，只係每個post都被網民問佢幾時辭職，好似「ML Wong」就批評：「香港幾百萬巿民面前走數你面皮真的有夠厚！」「Cathy Yeung」亦問：「改名未呀？你都出晒名啦！」 ■香港文匯報記者 鄭治祖