消費「手足」劣行纍纍 盲目護短屢掀內訌
貴圈真亂！講嘅係所謂「黃色經濟圈」。呢啲「黃店」，俾人投訴賣垃圾，食人血饅頭兼待薄「手足」已經唔係咩新鮮事，但唔該啲手段光明磊落啲囉。近日，幾間「黃店」再爆出連串醜聞：有黃食肆炒人兼涉嫌拖欠「手足」薪水，但唔單止聲大夾惡，仲爆埋人真名兼手提電話號碼，另一間「黃店」就以原裝「即飲湯」畀個客飲；有賣月餅嘅食到人咬咬聲，投訴人發帖仲要被批鬥「搞分化」，令網民慨嘆對住「黃店」係冇言論自由嘅；仲有生果網購平台就用價錢平幾倍嘅內地產生果充日本貨，仲推卸責任。所以話，唔少人靠「顏色」嚟爭市場，慘得過唔少「黃絲」盲目護短，一旦「黃色經濟圈」真係搞得起，你我等消費者睇怕冇啖好食嘞。■香港文匯報記者 陳川