● 網媒「傳真社」早前調查「龍門」嘅賬目開支，列出合共8項投訴指證「龍門」賬目混亂。圖為龍門冰室。 資料圖片賣抗疫品話勁蝕「報細數」 籌款疑遭挪用
「黃色經濟圈」時不時就被踢爆根本係呃「黃絲」�H大騙局，好似龍門冰室咁，一直以嚟都被人質疑佢賬目不清、食「人血饅頭」，等等，但一眾「黃絲」就扮睇唔到，選擇繼續盲撐。近日，網媒「傳真社」就調查「龍門」�H賬目開支，仲列出一共8項投訴指證龍門賬目混亂，包括自稱賣抗疫用品大額虧損但係有人「報細數」；有偽「手足」所籌�H款項懷疑俾人挪用；賬目混亂......等等。唔知一班「黃絲」今次肯認清事實�H真相未呢？●香港文匯報記者 倪思言
據「傳真社」�H報道，「龍門」老闆張俊傑喺2019年底成立所謂「香港人�H冰室資源分享中心」，話通過籌款同售賣抗疫用品及提供服務，去「支援年輕人」，該中心的運作一直備受批評，所以「傳真社」就整理咗有關�H八項投訴，仲逐樣踢爆其中的可疑之處：
一、聲稱賣抗疫用品大額虧損：
據龍門�H財務報表顯示，抗疫用品�H入賬收入只得3.3萬元，但「傳真社」嘗試拆開賬目同活動資料去計，發現龍門當時靠賣口罩同酒精搓手液，收入至少有114萬元，遠遠超出咗報表�H數目。
二、抗疫用品500萬投資去向：
「傳真社」指「龍門」老闆張俊傑同「良心供應商」合共投資咗500萬元去抗疫用品，但從來無向外交代兩者�H股權關係同賺咗幾多利潤，亦無講過項目虧損會否共同分擔。
三、有近460萬「盈利」被擅自挪用：
龍門過去展開超過20個項目去籌款，計劃成立基金「援助年輕人」，一開始希望籌集500萬元，目標係超越「星火同盟」及「612人道支援基金」。有項目負責人就講過，最後加加埋埋一共賺咗458萬元，但呢筆錢最後無用落「手足」身上，反而俾張俊傑擅自拎去填補抗疫用品�H虧損。
四、美甲項目賬目不符賬簿記錄：
「傳真社」發現財務報表上一個提供美甲項目�H賬目同賬簿不對應，例如賬簿上顯示薪金記錄分別為11,034.9元同16,094元，但財務報表就空白咗。
五、財務報表不合會計常規：
「傳真社」喺財務報表中發現有項目「Direct cost（直接成本）」為負數，出現咗奇怪�H「負成本」。有會計師就話咁基本都出錯，報表缺乏公信力。
六、以中心捐款開私人公司：
「傳真社」發現財務報表中有項目實為張俊傑私人擁有�H公司去營運，好似瓏門美容有限公司同C-Bro（手辦模型擺設）等。
七、財務報表無列出所有項目：
據「傳真社」調查，張俊傑舊年至少開展超過20個項目，但公開�H只得16個。由於賬目無公開，所以根本唔知道相關項目賺或蝕、涉及幾多款項，同埋點樣入賬。甚至有人質疑張俊傑只係公開虧損�H項目同賬目。
八、中心賬目混亂：
有中心前職員話，捐款箱每次只限4人點數，包括張俊傑、中心前董事葉騫婷（上月5日辭任）、張俊傑一名女性朋友和葉騫婷丈夫周振雄一名下屬。而張俊傑亦無以獨立戶口處理中心不同業務的款項，反而由數個銀行戶口收賬及支賬，被質疑賬目混亂。
「手足」：老闆私下無慰問佢哋
其實，「龍門」�H醜聞又點止佢哋嗰盤七國咁亂�H賬目吖，作為一間餐廳，但經常被人批評出產劣質食品，打住「黃店」�H旗號呃一班「黃絲」支持，實際上就利用一個又一個「手足」同導師幫佢賺錢，食「人血饅頭」不特止，仲要用完即棄。做人做到咁表裏不一，真係唔怪得知，隔一排就會有人踢爆佢「偽善」�H一面。
就好似曾經有「手足」踢爆龍門美容院壓榨員工，當時老闆口口聲聲話提供場地俾人自負盈虧經營，但實際就抽取美甲師半數以上�H佣金，仲要食埋人哋啲貼士，仲有只要維唔到皮就即炒「手足」魷魚。一向對外宣稱支持黑暴�H老闆，又竟然會要求「手足」遊行完要準時返工，而且有「手足」仲爆料話，無論發生咩事，原來老闆私底下都唔會慰問一下佢哋。
對「傳真社」�H指控，香港文匯報噚日就透過fb查問回應，結果「龍門」代表就話，喺舊年6月已經向《立場新聞》回應過，無再覆記者有無補充。之但係，佢哋回應咗咁多次依然都係講唔清賬目混亂�H問題，就知道盤數根本過唔到骨啦！雖則龍門盤數花到七彩，但有部分「黃絲」依然不願面對真相，選擇繼續支持龍門壓榨「手足」、食「人血饅頭」，果然「人一黃、腦便殘」。