●「猛烈南瓜在飯桌」宣傳「新記冰室」，隨即引來「手足」負評。 fb截圖唔少「黃店」諗住「手足」錢易呃，覺得靠賣特色噱頭嘢就可以掠返筆，往往都係宣傳做足，但質素欠奉，搞到班「手足」要做過水魚先識耍手擰頭。好似「黃絲」食評網誌「猛烈南瓜在飯桌」日前喺facebook專頁介紹黃店「新記冰室」時，就隨即俾「手足」留言拆台，認為「冰室」名不副實，食過唔會再試。
「猛烈南瓜在飯桌」日前喺fb發帖話：「以前賣芝士撈麵打出個名堂，上年秋天結業的『新記芝士麵』，日前經過荃灣路德圍，同系的『新記冰室』，五一黃金周期間，隔離（籬）『真台客』爆晒棚，反觀這裡不用等位。」佢仲轉載埋詳細食評，明顯要同班「黃絲」大賣廣告。
質疑「冰室」稱號名不副實
不過，隨即就有中過伏嘅「手足」留言負評「新記」。「Alvis Lai」話：「食過『新記』旺角分店，老實講試一次就夠......」「Chikeung Chan」就認為「冰室」名不副實：「現在新開都年輕人！什（怎）會有古早味！現在冰室，茶記和集團出品無分別。多年都不會去。」「猛烈南瓜在飯桌」都承認真正嘅冰室已經絕晒種：「如果係以前嘅冰室，只賣簡單小吃飲杯奶茶，差唔多絕晒種了。」
「Ka Man Cheung」就鬧爆「真台客」：「『真台客』食過兩次真心不了，啲野（嘢）勉強只係暖嘅，啲菜吹到乾晒都照煮、照出比（畀）客，你炒檔忙都算，我去嘅下午茶時段都係咁，唉......」「猛烈南瓜在飯桌」就死撐：「聽你咁講，我就搵日得閒去。」「Ka Man Cheung」就回應佢：「希望你去時啲野（嘢）正常啲。」「Tk Chiu」都話：「元朗個間都愈做愈差。」
唉！有質素嘅曙U都唔會借黃搵食啦。●香港文匯報記者 黃書蘭