■傳統反對派支持者貼圖，質疑「青政」不參加遊行又在期間籌款，原因只得一個：「我要錢！」 網上圖片「講到尾，咪又係一個『錢』字！」傳統反對派組織「民陣」，將於下月1日遊行，籌款自然少不了，尤其是今年要打選戰，各組織就更肉緊。同樣「求財若渴」的激進「本土派」組織「青年新政」，雖然一直批評「民陣」行禮如儀，但有錢搵豈會執輸，遂宣佈會在遊行沿線擺街站籌埋一份。有人唔聽大台指揮，更要出來爭食，所謂「籌款大過天」，大批傳統反對派支持者在網上批評「青政」是不屑「民陣」，但就「黐人啲遊行嚟宣傳」，是「又要做妓女又要攞貞節牌方（坊）」。激進「本土派」支持者反擊，批評「民陣」霸道。所謂「餓鬼爭食」，為了錢，反對派互相攻擊，可以去到幾盡？
■記者 甘瑜、鄭治祖
「民陣」近日舉行記者會，宣佈將於下月1日再搞遊行，預計於下午3時由維園足球場出發，遊行到政府總部東翼前地集會，要求特首梁振英下台，及落實全民退保等，更估計有10萬人參與。不過，遊行的重點其實是籌款，這已經是常識。
「青政」召集人梁頌恆在接受傳媒訪問時，就稱不認同遊行的主題，不會參加遊行，但就會在遊行路線沿路擺街站，「接觸更多追求民主自由的巿民」云云，又稱經內部表決後，決定不會向「民陣」申請擺街站。
被質疑「行都唔行就街站掠水」
各傳統反對派團體在「七一遊行」期間籌款，過去都會「自動自覺」將部分款項「上繳」「民陣」。「青政」表明不會向「民陣」申請，自然不會「上繳」。又要抽水又唔聽大台指揮，加上「錢字大過天」，「民陣」召集人岑子杰在日前的記者會上就質問：「如果你唔認同『民陣』嘅訴求或者綱領，咁點解你要喺『民陣』嘅遊行擺街站，呢個我唔能夠理解。」
一眾支持「民陣」等傳統反對派支持者當然也群起而攻。
不少網民怒斥「青政」，「叫人唔好（參加七一）遊行，自己就設街站略（掠）水！」「以前老果（嗰）一輩掠水都會遊行流下（吓）汗付出一下，×佢個街依（𠵱）家年青一代行都費事行，擺個箱喺度叫你捐錢！自己就走去涼冷氣！」
網民突破盲腸：油水大家搵啦！
有人就以彼之道還施彼身，引用同為激進「（偽）本土派」的立法會議員黃毓民，及「熱血公民」首領黃洋達之言，指「青政」講得咁口響，「講到尾，咪又係要錢！」「又要做妓女又要攞貞節牌方（坊）！」有人更揶揄，「青年新政背後有金主，最（仲）要擺街站？」有人即回應稱：「做下（吓）戲都要。」
不過，有激進「本土派」支持者反擊，質疑：「你有你遊行，佢哋擺街站，關你民陣咩事？」
有網民則突破盲腸，語帶譏諷地寸晒兩邊：「（民陣）咁鬼小氣（器）心胸窄，有油水大家齊齊搵啦！」