■洪天明和囝囝齊齊練拳。香港文匯報訊（記者 梁靜儀）國藝電影公司老闆冼國林前晚於九龍灣筵開59席，舉行《第四屆世界詠春大賽頒獎典禮》，邀請來自13個不同地區的代表參加，有如小型奧運會。陳嘉桓(Rose)、洪天明、郭思琳及葉芷如等藝人亦有出席。冼國林指今次活動一舉兩得，除可聯誼亦可發掘新人，打算明年續辦。他又很開心很多藝人支持，徒弟王梓軒雖未能出席，但都有拍片支持。
洪天明前晚做湊仔公，攜同大仔洪大仁出席，他表示太太周家蔚要開工，兩個工人一個放假，另一個就照顧發燒的細仔，所以他帶同囝囝而來。坐BB車來的大仁初時不肯拍照，又自行將BB車的篷拉低， 過了一會才上台與爸爸一起打功夫。冼國林笑說：「 天明做帶子洪郎都來支持，我有個女，可和他對襯家。」
陳嘉桓怕傷面不參賽
陳嘉桓稱本想為比賽做啦啦隊，但因有工作在身，故改為唱歌助慶。問她為何不參加比賽？Rose笑說：「 雖然我都有拍打戲，戲中都好打得，現在還有其他戲不用打。比賽會打傷口面，所以不敢參賽，都有真人騷問過我， 但打比賽當然找我師傅(冼國林)。」又謂想過叫師傅搞明星賽， 最想與唐紫睿打，因大家都認識，高度又差不多，可一起切磋。但冼師傅指Rose身材高佻會較輸蝕。
郭思琳之前打完比賽，之後一日要臥床休息，身上的瘀傷亦開始浮現，要穿長袖衫褲遮住，而翌日家人見她變了「花面貓」都有心痛。她又自爆打上癮，對巴西柔術感興趣，但如此打得可會怕嚇到男仔？思琳說：「不會，反而我會留意學柔術的男仔，大家有共同話題，又可以切磋。」