■鮑起靜、陳展鵬與姚芷羚合演新劇《同盟》。香港文匯報訊（記者 梁靜儀）鮑起靜（鮑姐）、陳展鵬、姚芷羚、郭峰、陳山聰及湯洛雯等，昨日在將軍澳一間酒店內拍攝新劇《同盟》。首次為無綫拍劇的鮑姐，表示大家對她非常好，見到好多好朋友好親切。
鮑姐表示已開工拍了兩個星期，問到她可習慣？她笑說：「都好習慣，（每日拍十幾個鐘？）唔只十幾個鐘，明日（今日）開08至29，但都OK，好開心監製對我好好，我唔慣演啲咁強勢嘅角色，監製不斷鞭策我，以為自己變咗另一個人，過足戲癮。」她又透露劇中展鵬飾演她的兒子，而她更一人分飾兩角。
展鵬以往在亞視曾跟鮑姐合作，如今再在無綫合作拍劇，他表示很有親切感也好期待。談到有傳他以續約換視帝，展鵬說：「如果係就好，現在投票好公開，好似港姐、港男，最緊要觀眾同公司都一致，成日都聽聞有呢啲傳聞，但冇發生喺我身上，如果係公平公正下拎到獎會好開心，（以約換獎都制？）睇吓簽幾多年，都肯，（簽幾多年先肯？）起碼簽十年，做到我退休會制，但覺得公司唔會着數我，後生十年都OK。」問到鮑姐可睇好展鵬得視帝？她說：「《城寨英雄》展鵬做到咩成績，觀眾會睇到佢嘅表現，一早畀咗個視帝吽C」