■「操肌達人」定欣一見到阿田開始玩運動，就即刻sell對方一齊練。香港文匯報訊（記者 梁靜儀）陳豪(阿Mo )、胡定欣、田蕊妮(阿田 )、楊秀惠、蔣志光及溫家偉等人，昨日到科學園出席無綫新劇《來自喵喵星的妳》宣傳活動，並大玩氣球物理遊戲。席間阿Mo要在阿田與定欣之間揀一個穿上雨褸保護，但他就叫二人猜包剪揼決定，最終令定欣及阿田上演經典「神同步」，齊聲說：「現在叫你揀，不是叫我們猜。」據知劇中兩人再有一場「神級同步」。
阿田有份演出的《巨輪II》尚未播畢後就會推出《喵喵星》，兩套劇都有她份。阿田解釋這是一個嚴重錯覺，自己不是多產演員：「我拍《巨輪II》之前已經係《鬼同你OT》，不知為何會疊了《喵喵星》，起初都有擔心，因為《巨輪II》尾五集同《喵喵星》頭五集係同時播，都怕觀眾混淆，我都曾經反映過，不過見預告出街後觀眾反應都正面！」她又指自己兩個角色是180度不同，所以不會混淆的，如果混淆就是她的問題。
不擔心新角色輸給「刁蘭」
日前阿田在網上分享腹肌相片，她表示操肌是想有強健體魄，更稱只要不斷做就會有成果。同樣熱愛運動的定欣聽罷即問阿田是否想加入做運動行列。說到她們可以一齊練，阿田即說：「定欣好激烈，你有目標，我唔使太激烈，我唔使拍打戲！」定欣笑謂相信阿田見到有成果就會鍾意。
一劇接一劇的定欣表示對劇集有信心，除了題材老少咸宜，阿田又演得好外，加上貓有吸引力。問她可擔心新角色贏不到「刁蘭」？定欣稱不會這樣諗：「自己所有劇集存貨都出晒，當係考試，四個角色都唔同，幾時出街都唔係我們安排。」
陳豪呻廿四小時唔夠用
陳豪今次有份為劇集主題曲Rap上數句，他笑言自己只錄了十幾分鐘，講兩句而已。他續言對收視有信心：「因現在好少開心題材的劇集，相信觀眾想睇開心、笑嘅嘢，今次劇集有上次《鬼同你OT》的影子，但又有新的題材。」阿Mo又指劇集與韓劇《來自星星的妳》並不相似，因他們是高製作。
有傳現育有兩子一女的阿Mo想生第四個小朋友，他即稱三個夠晒數：「現在三個小朋友已經好忙，廿四小時都唔夠用。」阿Mo表示下月將會開拍新劇《使徒行者2》，預計也需要出埠拍攝，未知要去幾耐。問到會否要求出埠時間縮短，可以回家照顧小朋友？他強調不會，接了就以製作行先，而且有太太在家中睇住，自己都好放心。