■ 李逸朗新作找來思琦妹演女鬼。香港文匯報訊（記者 梁靜儀）李逸朗(Don)、楊思琦、黃建東、何華超、邵音音及李漫芬等，昨日在紅磡出席新片《夜迷藏》開鏡拜神儀式，阿Don表示這是其第二部投資的電影，合資七位數字，因還有廣告贊助，所以較第一部輕鬆。
《夜》片共有三個故事，阿Don與楊思琦演出其中一個故事《夜半妻敲門》，問到為何會開拍靈異片？阿Don說：「因為靈異鬼片係香港文化，鬼係虛擬既，自己自細畀鬼嚇大。」他又表示會執導其中一個故事，有很多血腥場面，單是買血漿便買了幾千元。他慶幸拍攝算順利，沒有靈異事件發生，但大家拍得很辛苦，攰到失常。問到可有信心回本？阿Don有信心說：「套戲算係好低成本，回本唔難，如果有錢賺，幕前幕後都分紅。」他又透露今日便返內地開拍第三部戲，他對今年的成績都好滿意。
首次飾演女鬼的楊思琦，笑言恨扮演女鬼已久，又驚又想做，因本身鍾意睇鬼片，覺得今次好新鮮。問到可有收利是開工？她表示沒有，因為故事一開始講述她已經死了。思琦透露戲中要特技化妝，扮隻好恐佈的鬼，有人更認不出她，但她就被特技化妝搞到滿面長滿粒粒。問到造型可有嚇親女兒？思琦說：「好彩次次返到屋企佢已經瞓覺，試過冇落妝着住唐裝衫返屋企，在大堂就同別人講唔使驚，我未落妝，同事又叫我搭的士返屋企，但着到咁邊有的士肯載我，所以都係自己駕車。」問到會否讓女兒睇恐怖片？她謂小朋友未必適合睇。