■林鄭月娥澄清，兒子林節思經過5次面試才得到小米公司職位。越近投票日，各種謠言就越滿天飛。其中林鄭月娥先被傳丈夫林兆波有外遇，再有傳聞稱其長子林節思去年加入科技公司小米工作，是「中央官員安插」。她在訪問中澄清指，長子是自己落手落腳求職，更要經過5次面試才可加入小米；又大讚丈夫日前從容回應傳聞處理得好，比之前更加大方。
對於長子被傳靠「後台」加入小米，林鄭月娥大嘆「有無搞錯」，「份工係節思自己搵㗎，嗰陣佢喺上海自己搵工，喺網上做咗5次interview（面試）先入到。佢搵到呢份工之後，仲好開心話畀我聽，因為佢好嚮往呢啲tech company（科技公司），佢本身唔係一個好tech嘅人，而係文化人。」
她強調，中央及中聯辦官員根本不知道節思人在內地，「直到𠵱家咪知囉。」
讚夫面對傳媒從容
一直與傳媒保持距離的林兆波，由在情人節翌日被追訪至大嘆「放過我啦」，到日前企定定從容回應婚外情傳聞，變化之大，作為妻子的林太看在眼裡：「佢handle（處理）得好好，更加大方。」
她更指，丈夫當日與她午膳後，遇到在餐廳門外守候的記者，「個記者同佢講『林生你唔好講住，我有個同事趕緊嚟，你可唔可以等埋佢先』，佢又真係企喺度等，等到佢哋擺晒機先做訪問......佢之後話將心比己，人哋都係想做條新聞啫，咪幫人做條新聞等佢交差囉。」