■曾俊華自認「講嘢口窒窒」。 曾慶威 攝香港文匯報訊（記者 陳庭佳）由反對派主導的資訊科技界昨晚舉辦特首候選人論壇，由於只有獲該界別賜票「入閘」的曾俊華及胡國興出席，活動猶如反對派的「造王」大會。胡國興在被問到如何幫助「tech startup（科技初創企業）」時一度語塞，主辦單位成員之一、IT界立法會議員莫乃光竟主動「救駕」，為他重新組織問題。多名IT界選委向兩人提問時，也藉問題內容引導二人批評現屆政府及另一候選人林鄭月娥。
胡官「唔熟書」 提問「送埋口」
話係論壇，實際兩名候選人「前後腳」無對質環節，唔知想「保護」邊個？昨晚甫開場就講明自己非IT專家的胡國興，被觀眾問到認為「tech startup」現時最需要什麼、現有對「tech startup」的配套有何改善地方時，先問主持「乜嘢叫tech startup」，再坦言「呢個你就問倒我嘞」、「我真係唔知」，之後更辯稱「我就係想聽你哋意見」。
一般論壇到此處已經「無情講」，跳至下一條問題，但主辦的反對派團隊「IT Vision」及莫乃光議員似乎對胡國興特別有愛，在胡「𠵱𠵱哦哦」一輪後，由莫乃光出口相救，將問題拆細至科技初創企業面對什麼問題，包括申請當局支援程序繁複、人手短缺、難找生意等。
獲莫乃光放出如此「好牌」，但胡國興依然「唔識上」，僅回答「新嗰個科技局（創新及科技局）應該要處理呢啲問題」，如果業界面對這些問題，應該「寫封信」向當局反映。
多名反對派IT界選委就向曾俊華及胡國興作引導式提問，試圖借兩人的口攻擊現屆政府及林鄭月娥。公民黨的黎智富問到，曾俊華的理財智慧比林鄭的理財新哲學有何優勢。曾俊華回應時先稱「你預咗我講咩嘢」，後聲言林鄭的理財新哲學「我睇唔到有啲咩新嘅嘢」。
誘導鬧扶貧 林鄭「躺着也中槍」
緊接發問的楊林發更聲言，現屆政府出現「交波文化」及「語言偽術」，問曾俊華如何挽回市民對問責團隊的信心。曾在橫洲事件中有「交波」之嫌的曾俊華，稱自己「唔係好習慣交波畀人」，又謂自己非能言善辯的人，「大家都話我講嘢口窒窒，今日都睇到，我真係唔識點樣用呢啲『語言偽術』。」最後他說自己在現屆政府4年半，自己對一些決定要負上一定責任。
公民黨的邱智堅向胡國興提問時，就將劏房問題扯到林鄭在任政務司司長時主導的扶貧委員會上。胡國興在回答時就十分「識做」，聲言扶貧委員會「有啲嘢愛做不做，又唔係做得好」，如在職低收入家庭津貼估計只有十分一人申請，或因申請手續繁複之故，而「N無」津貼也不應取消。
曾俊華「入閘」後，連續缺席兩場供傳媒採訪的論壇，昨晚終肯蒲頭。被主持問到會否期待3名候選人同場較量時，他稱「唔係特別期待，有咩好傾啫」，而自己已看過對手的政綱，「睇唔到有咩特別。」不過，他會後被問到為何不期待3人同場辯論時就改口稱： 「我講笑咋！」
