好多網民質疑民主黨林子健大髀成排釘書釘係自導自演，佢嘅黨友林卓廷其實喺呢件事上都好重視公眾觀感㗎。話說有細心嘅網民就發現，林子健喺上星期五開記招時，講到自己「受害」的情況，一時談笑風生蹺腳，林卓廷即刻用右手背偷偷地拍吓吽A細細聲提佢「擺低」（圖），不過前面一排咪收晒音，俾網民揶揄林子健「唔夠專業」、「要人提水」。
「叫佢醒啲咪穿煲呀」
網民「Lau Grace」就話︰「仲嘻（嬉）皮笑臉，隔離嗰個四眼佬（林卓廷），係咁用手頂佢，叫佢醒D（啲）咪穿煲呀，笑死真的冇命賠呀！」「Kenny Hui」亦形容︰「高佬：喂！留意你隻腳！」「Rick To」︰「真系（係）好好笑，撓（蹺）腳談笑風生，身體語言出賣咗吽A奶（瀨）嘢啦狗賊。」
「YiuMing Li」就非常認可林卓廷之前曾經做過廉政公署嘅經驗話︰「老廉訓練出來都有兩下子，非浪得虛名，睇吓手拍拍提水就知啦！」「Wai Leung」就揶揄︰「呢隻狗好聽主人話，主人郁下隻手就識得放低隻狗腳。」
民建聯立法會議員陳恒鑌和民建聯東區支部的facebook專頁都有轉載有關片段，同樣有唔少網民對此嘖嘖稱奇。 ■香港文匯報記者 甘瑜