民主黨咁多大狀，黨員林子健聲稱「被擄走虐打」，但竟然冇即時報警，仲毀滅埋部分重要證據。有見及此，「香港警察」facebook（fb）專頁噚日亦出咗個post普及資訊，以《遇事報案．明智之舉》為題（圖），叫大家如果遇上罪案，甚至係危害到人身安全嘅事情，要盡快報警，並提供四招讓網民傍身。
第一招就係即刻打電話報警；第二招就係有受傷就盡快去醫院；第三招就係盡量保留證據，包括唔好清洗案發時所穿着嘅衣物，以免失去有關犯人嘅線索；第四招就係要記低重要事項，例如案發地點、犯人長相、相關車牌號碼，包括自己所搭嘅車。
四招都套用到林子健呢單案件，唔少網民都讚香港警察「靚抽」，而林子健就真係一個活生生嘅反面教材啦。 ■香港文匯報記者 甘瑜