一次補選，反對派不同派系嘅新仇舊恨不斷湧晒出嚟鬼打鬼。公民黨主席梁家傑（袋巾），在周庭、姚松炎參選資格仍未確定之時，就發帖話姚松炎唔係梁頌恆、周庭唔係游蕙禎，結果被激進派話佢唔當梁游係人。梁家傑前黨友毛孟靜，就發帖話呢啲就係「一有事就劃清界線」嘅劣根性。有毛婆支持者當然非常支持，話好彩佢離開咗公民黨；有人就回帶佢之前喺所謂「光復行動」都同暴力示威者劃清界線啦，「自己割就好地（哋）地（哋），人哋割就劣根性。」
毛婆喺帖中扮唔知呢句話係梁家傑講嘅，話自己呢幾日先知「原來有人網上公然說：姚松炎不是梁頌恆，周庭不是游蕙禎」，又話呢句說話「跌穿我的理念底線，不能不批評」，帖中仲標註埋「一有事就劃清界線的劣根性」咁喎。
佢支持者「Joey in Hong Kong」附和：「選舉拉票就『本土』，DQ就『不是游梁』，輸打嬴（贏）要咩！」「Nathan Tam」亦話：「梁家傑這老屎忽，talk黎（嚟）都晒氣！」「Kelvin Choi」就話：「所以毛姨離開公文袋（公民黨）是正確的。」
反對派被批私怨行先
不過，有人就留言幫梁家傑講嘢。「Celia Au」就話：「咁姚教授同周庭又真喺（係）冇支持『港獨』喎，傑哥有錯咩？」
「Lawrence Lau」反擊話：「姚非梁，周非游，『飯（泛）民』講咗咁多日子，係人都知，唔駛（使）梁家傑咁好心出聲提。兵臨城下，梁家傑仲顧住挑撥選民，唔係劣根性係咩？好難明咩？私怨少陣係咪會死呀而（??）家？」
「Connie Leung」就揶揄：「梁家傑真的不及站於高地的毛議員，應說姚松炎是梁頌恆，周庭便是游蕙禎，或今時今日高調再撑梁游看看如何？」「Kong Chan」也道：「梁游唔係『泛民』wo（喎），傑哥支持佢地（哋）咪又係俾『講（港）獨』友罵抽水，兩面不討好呀。」
有唔少花生友亦都對毛婆咁講不以為然。「Castor Ho」揶揄：「黑吃黑開始了......佢自己同Gary（范國威）咪又係同反水貨割蓆（席）！」
「Leung Shun Hei」就話：「自己割就好地（哋）地（哋），人地（哋）割就劣根性。」「Patrick Wong」就當正毛婆仍然身喺公民黨，揶揄佢：「貴黨又諗住買3邊？」 ■香港文匯報記者 羅旦