■小麗老千圖借齋Sir口漂白。 網上圖片小麗老千（劉小麗）在立法會選舉期間承諾當選後會捐出一半議員人工成立義工隊，結果冇咗件事，喺網民瘋狂追數下先死死地氣捐咗兩個月人工嘅一半，但餘款就財入光棍手。不過，坐定粒六嘅蟲炎（姚松炎）在此前嘅立法會九龍西補選中落敗，令想參加稍後第二次補選嘅小麗老千唔敢大意，於是聯同浸會大學宗教及哲學系高級講師陳士齊（齋Sir），喺網台節目言之鑿鑿話自己已經捐咗4個月嘅一半人工，話俾人抹黑，仲話向佢追數者係「收咗錢」。網民狠批小麗老千想轉移視線，有人就直指要害：「冇單冇據，妳話捐咗一億都得啦！」
勾「佔師」抹黑「神駒」「收錢做嘢」
話說齋Sir喺網台節目上訪問小麗老千，為對方漂白。其間，佢話小麗老千唔只捐咗兩個月，而係捐咗4個月嘅一半人工，並無走數，仲攞住啲單據揚吓揚吓，但就冇一個鏡頭影清楚嗰堆其實係咩嚟。
齋Sir仲幫小麗老千出氣，點名話此前一直追數嘅「神駒」仇思達係收咗錢去攻擊小麗老千，「每日有指標要發出幾多貼文」等等。
「神駒」即時着火，爆粗鬧爆齋Sir：「×你老母啦陳士齊！劉小麗從來唔×公佈自己捐咗幾多錢，上你節目你就幫佢宣佈捐咗4個月人工？有無單據？之後嗰幾個月唔計數？仲要開×我名玩抹黑，屈×我收錢攻擊劉小麗......向劉小麗追討履行『捐一半人工』嘅選舉承諾，係應有之義，唔係為自己架（㗎）！監察政棍，人人有責，何來『收錢』？每次篤中『泛民』死穴，就老屈『收錢』轉移視線，真係×你老母！」
佢仲回帶返當日有浸大學生「佔領」語文中心單嘢：「叫陳士齊個×樣×街死啦，老點啲學生走去『衝擊』，差啲搞到趕出校，自己就企喺門外『睇水』！」
「益友」反斥「賣小強」
唔少「益友」都幫「神駒」口。「Simon Fong」就話：「監察議員唔係公民責任咩？批評失職講大話就係收錢攻擊？冇證冇據就沒（抹）黑一個小市民，呢班政黨中人仲講民主自由？」「Roy Lam」也道：「由頭到尾都係追佢交待（代）捐人工問題，交待（代）唔到就話人收錢抹黑。攞幾張紙出黎（嚟）就話有收據捐左（咗）比（畀）d（啲）唔知咩來歴（歷）嘅團體，然後再扮受害者。」
如果真係俾人抹黑，點解差唔多俾人鬧咗大半年，都一直唔肯公開自己嘅捐錢單據呢？如果上載埋上fb就更好，如果單據冇造假嘅話。又咁講，補選將至，小麗老千為免俾人翻舊賬所以要「先發制人」，話俾人抹黑，然後喺補選時就可以再開啲空頭支票呃人落疊嘛！所謂「民主派」，其實都真係污糟得很。■香港文匯報記者 陳川
益友鬧爆老千
ShawTim Liu：補選近了，小麗老母梗要準備下次補選。
Dylan Thomas︰小麗老千同人渣陳士齊係（喺）個檯面將d（啲）單據揚黎（嚟）揚去，又唔放晒上網比（畀）人睇？
Albert Ng：冇單冇據，小麗老母話捐咗一億都得啦！
Lun D. Chan：可能捐比（畀）馬會，kit一聲笑出黎（嚟）。
Jeff Ko：呢啲×家產（剷）最叻就話人地（哋）收咗錢去攻擊別人，無憑又無據，......咁我夠懷疑你陳士齊收咗劉小麗錢同佢講好說話囉，多×餘嘅。
Man Man Fung︰抹黑別人還不了自己清白！
資料來源：fb留言
整理：香港文匯報記者 陳川