鼓吹「港獨」嘅「本土民主前線」一直聲稱要團結一致，搞好「時代革命」，點知要面對法律制裁就個個「潛水」，所謂「大難臨頭各自飛」，偉哥仰（黃台仰）同李東昇等「本民前」頭目就第一時間銷聲匿跡，得返獨琦（梁天琦）接受審訊。明明只係冇走佬，但咁就有人讚佢「有承擔」，仲用嚟踩傳統反對派添。有網民就話，傳統反對派當然乞人憎，「只不過梁天琦亦不是什麼聖人，唔好將佢神化！」
曾經喺校園發起「港獨公投」嘅中大生楊文俊，近日睇完獨琦嗰套《地厚天高》，就忍唔住寫影評讚獨琦「夠晒真誠」，唔似其他「泛民」政棍咁「唔敢諗唔敢做」喎。
佢又引述《地厚天高》導演林子穎嘅睇法，話獨琦有咁多追隨者，唔單止因為佢「本性純良」，更重要係「本土派」同「民主派」陣營太多「人渣」。講到獨琦成隻小綿羊咁，咁煽動旺暴嘅坅Y發生咩事呢？
有網民看破呢篇「五十步笑百步」嘅影評，齊齊留言玩踢爆。
網民譏幼稚害人坐監
心水清嘅「Zoe Yung」就說：「果（嗰）班咁嘅所謂『泛民主派』，當然係偽君子軟骨頭乞人憎，我從來都冇話過佢哋係好人！只不過梁天琦亦不是什麼聖人，唔好將佢神化！最後，又係佢最憎嗰啲『泛民主派』嘅律師幫佢打官司，佢而（??）家亦都係同嗰啲『泛民』一齊嘻嘻哈哈啫。」「Sam Wong」亦趁機抽水，「梁天琦的出現，只是更突顯『飯（泛）民』之虛偽與犬儒。『本土派』只是一群不知天高地厚的少年人。」
「Zacky Leung」亦睇唔過眼楊文俊睇完戲就話個男主角好人，「佢（梁天琦）係紀錄片嘅主角，梗係要正面咁描述佢㗎喎。但要將佢神化，sorry我做唔到。」「Benny Chan」就睇到火滾話；「佢嘅無知幼稚！令到幾多青年人去坐監。如果今日仲有人認為佢係英雄，我只能講一句『低（抵）×死』！」 ■香港文匯報記者 鄭治祖