考試成績未如理想，正常學生都怪自己唔夠勤力，最多賴吓考試失手，但「中箭（香港眾志）」常委羅冠聰，噚日就喺facebook出post話係學校「唔現實」囉。讀咗6年先完成3年大學本科課程，羅冠聰仲可以咁大口氣話學校，係犀利嘅。
羅冠聰噚日喺facebook出post，話自己終於可以大學畢業，大大話話3年課程咁就讀咗6年，係好難能可貴㗎。過咗兩個鐘，佢似乎唔滿意學校畀自己個分，於是又出多個post。原來，佢喺未DQ扮緊議員嘅時候讀咗科政治入門課程，結果得「B-」，可能佢自覺係「政治專家」，於是就話︰「證明學府同現實都唔係幾關事。」
不過，都有幾個人喺坉舁ost度留言話自己有「B」到「A」，唔知羅冠聰又會唔會覺得佢哋同現實都唔係幾關事呢。■香港文匯報記者 甘瑜