■楊岳橋鞠躬「道歉」。 香港文匯報記者鄭治祖 攝所謂「關鍵缺席」實非浪得虛名。話說經過悠長嘅假期，立法會終於喺昨日復會，其中一個議程原本係討論由公民黨黨魁戇橋（楊岳橋）為咗討好「港獨」分子而提出嘅「檢討單程證政策」議案。不過，唔知係「Holiday Mood」未過還是另有隱情啦，佢喺討論到呢個議案時竟然no show，令主席只得取消其動議及宣佈休會。戇橋其後解釋話自己當時睇緊《國歌條例草案》記者會直播，一時疏忽先冇到，仲要鞠躬致歉。有建制派議員就狠批佢浪費立法會人力物力，仲揶揄佢到底有幾緊張議會工作？所謂身體最誠實，大家有眼睇啦！ ■香港文匯報記者 鄭治祖
立法會昨日舉行假期過後首次大會。由於會上並無具爭議性的議題，進度較以往順暢。下午約4時，大會已完成了醫學界議員陳沛然根據《釋義及通則條例》第三十四（4）條動議的擬議決議案，及內務委員會主席李慧琼根據《議事規則》第四十九E（2）條動議的議案，並以無記名投票的方式迅速通過了由勞工界議員潘兆平提出「檢討假期政策」議案。
根據原先議程，此時輪到戇橋提出「檢討單程證政策」議案。
當立法會會主席梁君彥宣佈進入戇橋的議案時，戇橋卻並不在席，未能提出動議。
根據《議事規則》，提出議案的議員不在席，其議案將不獲處理，而其動議為昨日會議的最後一項議程，梁君彥只得宣佈休會。
議員：等你議案卻撻Q
在梁君彥宣佈休會後，戇橋才出現在會議廳外，正好碰上正離開會議廳的一眾建制派議員。
有議員揶揄戇橋：「我等緊你個議案喎！」
新民黨主席葉劉淑儀亦問戇橋頭先去咗邊，仲話：「你撻Q喎！」
所謂做戲做全套，戇橋先面懵懵地進入會議廳，其後返回其議員辦事處，未幾就向傳媒交代，佢話，喺輪到傾佢個議案時，佢係喺辦公室裡面收睇緊由政制及內地事務局局長聶德權主持嘅《國歌條例草案》記者會，未有留意要及時返番會議廳提出議案，係自己一時疏忽大意。
無心做事扮「一心不二」
佢仲話因為自己令市民、議員失望，隨即兩度鞠躬道歉，又話事件反映「一心不能二用」，喺同一時間內處理兩個非常重大嘅事件需要作出選擇，又話自己未來仍會繼續關注單程證的進展，仲計劃喺今年提出有關嘅私人條例草案喎。
據了解，在昨日中午，大會已開始討論潘兆平的議案，將在戇橋議案時發言的勞工及福利局局長羅致光已經身在會議廳內準備。當時，大家已發現會議進程較原先預計快了約45分鐘，倘戇橋「用心」開會，「坐定定」在會議廳內，又或其助理稱職，留意會議進度並提醒戇橋，就根本不會出現no show這情況。
建制嘆「關鍵缺席」浪費機會
民建聯議員葛珮帆就發帖道：「我想提動議抽左（咗）12次、等左（咗）兩年半都抽唔到，竟然有議員抽到動議但係失蹤，真係千古奇聞！」佢仲標註咗「關鍵一席」、「原來係關鍵一刻唔見人」；「有幾重視立法會工作？」「身體就最誠實」；「浪費立法會人力物力」、「該當何罪？」
民建聯議員蔣麗芸亦發帖，話今次係「又一齣自編自導自演自失蹤」，仲話：「每位議員在每屆立法會只有一次動議機會，楊議員居然自殘動議，費解！」