■陳展浚踢爆莊榮輝個街站開喺杳無人煙嘅地方hea住做。 fb截圖五十幾條友早前退出民主黨，導火線之一係電話廷安插佢老友莊榮輝落去將軍澳一個選區準備選區選，特登同一早打躉嘅「將軍澳民生關注組」撞區。「將關組」社區主任陳展浚就踢爆莊榮輝話就話開街站幫人量血壓，不過個街站就開喺啲杳無人煙嘅地方，質疑佢hea吓hea吓就可以收工，仲可以上報黨中央話已經落咗區。有網民仲抽佢水，話連輸四屆區選嘅坉虃籉a頭又唔問人，「想做議員真係下世啦！」
喺西環過到去將軍澳落區、成日俾人質疑佢鬼影都無隻嘅莊榮輝，前日喺facebook打卡，話自己喺將軍澳善明邨幫街坊量血壓，不過張相除咗呇P個街坊之外就無其他人嘞，俾陳展浚寸佢：「咁就打卡話自己做咗一個街站，咁就可以同個黨講開咗一個街站，呃人呃自己呃個黨。」陳展浚又話個街坊留一陣就走咗，仲向莊榮輝整個下馬威：「我哋好多線眼。」
同樣係「將關組」社區主任嘅王卓雅就「幫」莊榮輝解圍：「我幫佢解釋！接觸啲相對較少見到嘅街坊啊！」「Antony Yuen」就好衰咁踢爆人哋：「佢做街站志在影相留念，千萬別有街坊過嚟，浪費晒啲時間。 佢想趕走個街坊好耐。」「Ho Jai」質疑佢唔熟地頭又唔問人，「所謂支部副主席，想做議員真係下世啦。」
不過咁，「將關組」都唔見得特別光明磊落，遠嘅唔講，近嘅就有陳展浚仲有同樣嚟自「將關組」嘅姜新華嘅易拉架，同公民黨黨魁戇橋（楊岳橋）嗰個簧I一齊，顯示到戇橋加持佢哋咁，戇橋就即刻畫清界線，話兩條友從來無獲授權以佢名義做地區工作。 ■香港文匯報記者 陳庭佳