■肥媽、陸浩明、黃美棋、陳詩欣到街市宣傳。香港文匯報訊（記者 梁靜儀） 肥媽(Maria Cordero)、陸浩明（6號）主持的全新一輯《食好D食平D》將於今晚播映，昨日二人聯同黃美棋及陳詩欣到街市出席記者會，席間美棋及詩欣進行廚藝比拚，炮製健康飲料及食品，但二人明顯甚少下廚，肥媽見到都忍不住要「出手」相助，而6號見到枱上的番茄，即笑謂番茄的茄紅素對男士有益。
肥媽與6號受訪時，肥媽笑窒6號腎虧，每逢她炮製壯陽食物如瑪卡湯或炒韭菜都狂食，但至今仍未有孫給她抱：「6號同女友去咁多次旅行都唔大肚？」6號笑指每次見完肥媽都㷫烚烚，要到運動場跑圈「降溫」。肥媽即笑指他「嘥料」，又笑說：「個女仔媽咪都傻，畀個女同人去旅行又拍拖咁多年都唔結婚，我契佢蝕本㗎，送禮物畀佢又唔畀我抱孫。」
6號自言對女友也有付出很多心思的，又請對方去旅行。說到他請女友去旅行也有着數的，他抵死地說：「係等價交換。」他指肥媽對他的婚事比其父母還要緊張，又叫他有仔要趁嫩生，但他想先買樓才計劃結婚，肥媽就踢爆他狂接司儀工作賺很多錢，6號才漏口風說：「我目標想五六百呎將軍澳三房單位，之前抽將軍澳新樓但抽唔中。(即係計劃今年結婚？)未未未，有計劃但未落實，(女友冇催婚？)冇。」逼供成功的肥媽聞言笑道：「總算老懷安慰。」