■王浩信、湯怡及徐榮為劇集拍外景。香港文匯報訊（記者 梁靜儀）湯怡、王浩信及徐榮昨日到荃灣一座商廈天台，為無綫劇集《極道怪咖》拍外景，戲中講述湯怡被飾演社團大佬的徐榮綁架，王浩信拿贖金前往營救她，為求拍攝真實，湯怡被危吊於27樓天台外半小時。
拍攝前湯怡由數位工作人員幫她扣上安全帶，但她仍一臉緊張，到正式拍攝時她慢慢走近天台，當被吊出一刻她驚得不禁大叫「好驚呀」，而劇組就出動兩部航拍機拍攝。由於昨日天氣大風，危站天台的她慘食西北風半小時有多。完成該場戲後，湯怡接受訪問時猶有餘悸說：「拍呢場戲被吊咗出去兩次，頭先係第二次吊 ，第一次吊咗大約五分鐘，吊之前我行埋去，仲有四格距離，我已經腳軟、心跳勁快，雖然只係試戲，但心情係同戲中吊出去係一樣，喊咗出嚟。」
覺得被導演整蠱
湯怡苦笑指拍之前導演都有問過她可有畏高，因為要在十幾樓高拍攝，有感之前試過在六七樓拍攝跳樓戲，於是就答允，可是前兩日才知是廿幾樓，還要面向地下。說到昨日是愚人節，可覺得被導演整蠱？她笑說：「係喎！導演今日好少同我講嘢，我問佢點解同當初講嘅唔一樣 ？」不過她一樣照拍了。
她謂拍完後都覺得好開心，雖然工作人員拖住她時好有安全感，但一放手就想喊，就好似準備要跳落去的感覺，離心力好大，拍完整個人好攰。
問到她被吊出去一刻腦海在想什麼？她說：「想起家人，又諗如果真係有咩意外點算呢？（有冇買定保險？寫定平安紙？）相信TVB有幫我買重保險。」問到拍TVB劇集可會覺得辛苦？她卻認為沒想像般辛苦，可能是拍得開心，但就打破了她兩日冇沖涼的極限， 雖然本身有潔癖 ，但為了爭取時間休息，只好未沖涼冇落妝就睡覺，不過她只睡梳化，沒有睡在床上，而她試過最短只睡得個多小時。
王浩信避談追B
王浩信大讚湯怡好勇敢：「我都有畏高，試過喺銅鑼灣五十幾樓吊出去，不過就冇佢咁出，因為太驚每次望落去都做錯反應，我幾佩服佢好淡定，對白講得流利自如，啲戲都發揮得好自然。」問到戲中可有危險動作戲？他表示有動作場面，要打拳，又要同張振朗搞Gag：「難度最高唔係動作，而係要氹觀眾笑，今次節奏嘅掌握比以往難度更高，劇組人員都覺得幾好，好有滿足感。」
他表示仍有三至四個星期才會拍畢劇集，問到復活節可會同女兒去旅行？他說：「Plan緊。（會去邊度？）暫時未預計到時間幾長，但點都會去放鬆，（一家三口一齊去？）Plan緊。（太太陳自瑤早前話想追多個？）努力工作先啦。」他續指希望另一套劇集《解決師》能在暑假播，因他在劇中飾演阿Sir，希望多些學生可以睇到。