■阿嬌香港文匯報訊（記者 梁靜儀）鍾欣潼（阿嬌）前晚單拖捧場支持拍檔阿Sa主演《非分熟女》的首映禮，阿嬌表示老公不在港。被問到夠膽像阿Sa那樣性感演出嗎？她倒不抗拒：「好嘅題材可以嘗試。（可要先過老公一關？）冇問過呢啲，做嘢啫，理佢呀。接到好角色唔易，有機會的要把握，唔可以吓吓Say No，否則唔使做嘢啦。（怕不怕接了之後，老公又唔准拍？）咁又未試過，試吓囉，當然會同佢講，我唔會偷偷地做。」
她不諱言老公曾有叫過她不要工作，但她在屋企會很悶，只會打機。阿嬌自爆近日迷上用手機打Game，每次更用七百多元課金來買武器。「玩咗半個月用咗好多錢，日日見張單成千蚊，唔係好掂，發覺有問題。不過，我都係用自己錢，今日未上線。」她身邊朋友都有討論過她這個問題，說她買個手袋還有實物在手，但課金就有如空氣般飄了出去。 她如此喜歡玩Game，不如轉做電競手？阿嬌聞言即雀躍說：「問吓先，不過佢哋玩嗰啲好難，我呢啲咁都OK咩？太低能。」