■韓俊賢發帖踩多腳「攞冼豪輝命」。韓俊賢fb截圖香港文匯報訊（記者 陳川）衣食住行，民所關注。在區議會選舉前夕，唔少平日唔做地區工作嘅反對派政黨，都喺呢幾個問題上打主意，但就同公民黨個冼豪輝一樣，平時冇做過，提建議都零舍離地。運輸署計劃將一條秀茂坪嘅巴士線延長至安泰邨，但擬出戰秀茂坪及安達臣嘅所謂「秀達服務團隊」就發起聯署反對，結果俾安達臣居民留言鬧爆。
阻九巴11X總站遷安達臣
九巴喺新一年度嘅巴士路線計劃中，建議將由上秀茂坪到紅磡站嘅11X線嘅總站，由秀茂坪延伸至安達臣的安泰邨。「秀達服務團隊」就反對兼發起聯署行動，結果俾居民鬧爆，話此舉等同放棄安達臣。
黎汶洛蘇偉洋鬼打鬼？
不過，前「學民思潮」成員黎汶洛，正正係該團隊嘅安達「總幹事」喎，咁做咪即係鬼打鬼？黎汶洛喺回覆「香港獨立媒體網」時話，希望11X延伸至安泰後，巴士公司能加強服務班次，不要因為總站搬遷而造成其他區居民難以上車咁話。
不過，「秀達服務團隊」嘅秀茂坪總幹事蘇偉洋就話，團隊內對此或有不同看法，但「需維護自己區的利益」。在被批評此舉是要放棄安達臣時，他則稱，自己的個人意見未必等同團隊的意見云云。
自己「團隊」都講唔掂數，「一人有一個意見」，真係玩死當區居民咯！