■王卓雅擺街檔收集居民簽名，「順便」收集埋電話住址。 fb截圖選舉事務處懷疑遺失了一份2016年的選民登記冊，令不少選民擔心私隱外洩，但其實，私隱外洩的陷阱無處不在，特別是新一屆區議會選舉將於今年11月舉行，各有意參選的反對派團體，就借地區的關注來收集市民的資料。「傘兵」組織「將軍澳民生關注組」，近日就借野鴿過多引發擾民的問題，收集區內居民的姓名、住址及聯絡電話，有居民質疑有關人等表面上聲稱要收集居民簽名以處理野鴿問題，實質是收集市民資料用作選舉拉票，提醒區內居民要當心。
將軍澳坑口有不少人餵飼野鴿，引發了環境衛生和滋擾居民的問題。「將關組」厚德社區主任王卓雅，同富藍社區主任陳耀初見「機不可失」，就在區內大搞簽名行動，要求政府立法禁止餵飼野鴿，並採取為野鴿絕育及將之引導回山邊，等等。
王卓雅齋噏「絕育歸山」
先唔講其他，呢啲建議喺居民眼中，同其他反對派嘅妙想天開一樣咁堅離地囉！網民「Lucky Baybe」就喺王卓雅嘅fb留言，話自己非常贊成為白鴿絕育及引導牠們回山邊，但就問對方如何為鴿絕育，有什麼方法可引令他們去山邊，「並非想趕盡殺絕（野鴿），如果王卓雅小姐沒有詳情及細則，恐怖（怕）最後你提出既（嘅）方案，都同趕盡殺絕冇分別。」
主角就無回應，但疑似王卓雅嘅支持者「Ricky Chow」就以「陰謀論」來批評提出意見的居民：「我見到你不斷質疑呢樣個（嗰）樣，你其實知唔知白鴿對居民嚟講已經係一個好嚴重問題，難得有人去不斷跟進，仲提出可行方法......請問你係住邊度？」
「Lucky Baybe」回道：「我依（𠵱）家問緊個方法詳情，唔係反對，我比（畀）票人，都要知內容。唔係人地（哋）比（畀）個月餅我就問都唔問去投？」「Fish Ball」亦路見不平：「我好想知道佢提出嘅方法點樣實行。我就唔會亂咁簽名，起碼了解咗先都得掛（啩）。」
「Ng Kin Wang」就質疑，「將關組」咁搞簽名，最終只係迫政府「做嘢」，「無人餵就無甘（咁）多鴿。真係甘（咁）有心就去教育餵個（嗰）班人啦，最後咪又係食環告（餵飼嘅）公公婆婆。」「葉開」附和道：「到時搞吾（唔）到啲餵白鴿嘅人，就逼（迫）政府用另類手法害死啲白鴿咪啲（呢）啲人囉！」
蒐簽名竟要攞電話住址
「Polly Chan」認為，「（白鴿聚集）呢啲唔算滋擾，我覺得夜晚啲『飛車』聲仲滋擾。」「Vince Choi Miko Heung」亦話：「我相信一定有更加多民生嘅問題比白鴿更重要。」
「Lam Chun Yip Andy」睇咗「將軍組」叫人簽名張表格，就突破咗盲腸：「簽名聯署點解要人電話地址？其實要人資料搞選舉冇問題，但唔該講明囉，同埋份野（嘢）又無印收集個人資料聲明，啲資料會收集去邊，就真係貴客自理......」「Ben Chui」就睇得通：「收集資料，知（之）後叫你投佢票。」■香港文匯報記者 陳川