■網民回帶范國威一邊恐嚇話「返大陸好危險」，一邊又搞內地團。 fb截圖反對派在特區政府修訂《逃犯條例》一事不斷危言聳聽、散播恐慌，令人回想起立法會討論廣深港高鐵的「一地兩檢」安排時，所採取的是同一伎倆。有網民近日回帶，反對「一地兩檢」的「新民主同盟」立法會議員范國威，一邊話「大陸好危險」，但就帶街坊返內地旅行，真係口裡說不，身體很誠實。
一味靠嚇抹黑修例
成班反對派猛咁抹黑《逃犯條例》修訂，有網民睇穿呢班人事事都危言聳聽嘅做法，喺「北區」fb專頁中回帶范國威，一邊恐嚇話「大陸好危險」，一邊就搞旅行團帶街坊返內地「犯險」嘅往事：「香港人面對呢d（啲）如此不誠實的政棍是否又要含×投佢一票？」
有網民對此深有共鳴，仲貼出范國威及其「新民主同盟」黨友任啟邦、關永業舉辦多個內地旅行團的橫額。
「陳嘉樂」話：「口說不，身體卻很誠實......」「Jess Lai」就揶揄：「龍門既（嘅）野（嘢）......都係睇你點睇。」
「Zoe Chan」亦曲道：「佢（范國威）上去就好危險，可能分分鐘關都過唔到。平時佢哋狂歡三寶咪攪（搞）啲活動俾（畀）市民上去視察民情，有咩嘢事咪叫啲粉絲行先死先，佢梗係關人啦！係囉！唔係高鐵好危險嘅咩，點解又叫人去？」■香港文匯報記者 陳川