■薛家燕笑言生日飯一直食唔停，應該會食到下年生日。香港文匯報訊（記者 梁靜儀）新城電台前晚為薛家燕（家燕姐）在尖沙咀一間酒樓筵開六十多席，舉行《開心大派對之薛家燕樂善鑽禧大喜宴》，一身紅色閃片兼戴上金牌頸鏈的家燕姐，表示近日《復仇者聯盟4》大熱，她身為Captain Nancy當然要現身娛樂大家。
當晚家燕姐邀請過百圈內外好友及粉絲們一同出席，而陳敏之、陳柏宇（Jason）、鄧健泓與太太石詠莉及黃妍等亦有出，並唱歌祝賀家燕姐。家燕姐表示晚宴是補祝她六十九歲生日及入行六十年，當晚以買枱形式舉行籌款。雖然正日生日已過了很久，但是還有很多朋友為她慶祝，生日飯幾乎食足成年，其實大家不用客氣，做禮就可以。問到正日是否跟男友A君過二人世界？家燕姐甜笑默認，並透露收到男友個心做禮物：「如果佢成個心挖咗出來，我會心痛，其實佢對我關心就得，互相關懷、體諒、照顧，去新加坡幾日都好忙，佢冇一齊去，不過叫我唔好做咁多，要注意身體。」而她的仔女送了新款手機給她做禮物。
為大囡珊珊招親
早前家燕姐透露想做嫲嫲，問到願望實現了沒有？家燕姐一時口快說：「新抱未有喜，冇所謂，我唔心急，仲後生！我就話快些......（快些結婚？）唔係，我冇諗結婚，生都生唔到啦！反而替珊珊心急，等我忙完工作，七月啦，搞個見面會。」家燕姐透露早前為珊珊招親，有很多人寄相片來，但她未有時間逐一去看，當中有些條件都不俗。
敏之囝囝見靚女猴擒
問到陳敏之可有男仔介紹？她笑說：「我個仔得兩歲，不過佢有機機（Bob女兒），我個仔好鍾意靚女，好誇張，直頭想錫埋去好猴擒，（似爸爸？）絕對唔係，我老公唔猴擒，媽媽就粗魯少少，（同阿Bob傾掂禮金未？）我同阿Bob 講佢個女過得我門就做千億新抱，要畀點時間等，不過我個仔𠵱家連書都未讀。」再問到他老公的朋友可有筍盤？敏之指老公的朋友雖然是才俊，但大部分已婚及有仔女，而且年紀大未必適合仍很年輕的珊珊，要再物色。敏之表示做媒人幾開心，是一種福氣，過去曾成功為梁競徽和他的老婆做媒人，現在更有了女兒相當幸福，她都希望再撮合更多好姻緣。