■朱凱婷偕同老公及七歲的女兒出席活動。香港文匯報訊（記者 梁靜儀）朱凱婷（Heidi）昨日偕同丈夫及七歲的女兒一起出席基督教勵行會《家家有愛》活動，Heidi表示趁假期便偕同女兒出席，加上這次又是慈善活動，很有意義，可讓女兒感染慈善氣氛。
Heidi本身是慧妍雅集成員，她謂有時出一分力都可以幫助別人，所以今次女兒亦有親手設計了一個「家」出一分力。此外，她打算待女兒八歲就帶她去慈善探訪：「會揀啲唔太艱苦嘅探訪，因為覺得佢太幸福喇！我以前都有做過探訪，真係可以洗滌心靈，去完返來兩個月唔Shopping，當然之後回復城市人習慣，但都有警醒作用。」Heidi指女兒現正就讀國際學校一年級，功課不算多，而她亦不是「怪獸家長」，女兒的興趣班都是她自己選擇的：「四歲就畀佢哋試唔同嘅嘢，阿女學緊芭蕾舞、鋼琴、豎琴同花式溜冰，係佢自己鍾意嘅，唔使催促佢都會自己起身學。會唔會送個女去外地升學就未諗，但經常會帶她去旅行，見識多啲，再畀佢自己選擇。」