■韓國男團BTS在Billboard奪「最佳社群媒體藝人」及「最佳團體」獎。 法新社香港文匯報訊（記者 梁靜儀）許廷鏗（Alfred）昨日到電台宣傳新歌《單數》，他表示是對自己的單身宣言：「首歌係鼓勵自己同身邊朋友，單身都OK，都精彩同要自強，踏入三十一歲後特別覺得要先照顧自己感受，才會吸引明白自己的人，當然希望有日搵到個啱自己嘅伴侶。」
問到多久沒拍拖？Alfred自爆已8年沒拍拖：「入行初期有拍拖，中間就拍散拖，但後尾冇真正開始，對象有圈內、圈外人，因藝人工作唔定時，又唔可以公開，對圈外伴侶唔公平。（穩定會公開？）如果穩定都會畀大家影到，現在都唔會介意歌手拍拖，期待有日名正言順公開有個伴。」
Alfred表示完成紅館騷後，想多做關於音樂的事，兒女私情暫時放一邊，今年他會推出一張廣東碟及一張國語碟，近日更同一時間做5首歌，所以要保持好狀態，不能放假。而今日他又將前往巴塞工作，都擔心治安問題，此行他會逗留四天，之後又要趕返港錄歌，故未能留下遊玩。