■董敏莉母女檔開工。香港文匯報訊 董敏莉（Monie）日前拍攝廣告，與愛女同場開工盡騷母女情。Monie就話女兒盡得她的真傳，不停擺甫士甚有模特兒天分：「平時做嘢都會帶埋佢一齊，可能佢睇得多學識擺Post，加上佢好多笑容，好似幾適合呢行！其實我都唔反對佢做童星，係客戶想搵佢，我掹車邊先有工開咋，呢兩個月都賺咗兩年學費。」
Monie就話愛女近日返學，更主動「撩男仔」交友：「佢一見男同學就好熱情，主動撩人玩，嚇到對方喊晒口！我都叫佢保持矜持，女仔要等男仔追先馨香。」
早前拍攝ViuTv劇集上映在即，戲中更與梁漢文激吻：「現在梗係唔畀囡囡睇啦，佢仲細個！費事佢以為Edmond係爸爸叫錯晒，搞到老公呷醋！大個同佢一齊睇番，當性教育之餘，畀佢知道媽咪工作係咩！」