■ 阿燦希望香港政府可以制訂長遠計劃去協助年輕人。香港正值多事之秋，暴亂超過百日。人在內地的阿燦十分關心香港。看見黃、藍絲人士各持己見，暴力場面一日比一日嚴重，阿燦希望政府可以制定五年、十年的長遠計劃去協助香港的年輕人。
他表示：「我想林鄭原本想制定（修訂《逃犯條例》）原意係好的，原本想引渡涉嫌殺人的香港人去台灣受審，但當中諮詢過程做得唔夠好，引起今次的事。而且呢幾年香港人的鬱結好深，唔係話你派少少甜頭就可以改善的，係個根源出現問題，政府要制定一套五年、十年的長遠計劃去改善。以電影業為例，你拍一套電影唔係單單係為電影業，其實係宣傳緊香港 ，輸出緊香港文化。 要靠政府大力支持 。唔同咗以往，有特定環境，特定成因，有外來投資，今時今日環境轉變，你都係用舊有嘅方法，咁你點樣生存呢？ 政府需要去協助去制定一啲新嘅政策，例如去賣片畀人可以收平啲，令電影佔領市場能力強啲，咁樣年輕嘅一代咪有希望囉。」
他同樣認為，香港的住屋是一大問題。「現在香港的生活，收入起碼有百分之四五十放在住屋嗰度。新一代萬幾蚊嘅收入，點去成家立室？公屋我唔相信係要咁耐時間建，搵地起屋好多方法去做，唔好畀大地產商去影響。一定係要做到國泰民安，先係最正路嘅方法，能夠做到咁樣全香港人都支持你。」