自修例風波以來，聲稱「支援義士」的網上眾籌就如雨後春筍。警方前日以洗黑錢罪拘捕與「星火同盟」有關的三男一女後，「熱血公民」立法會議員鄭松泰即「食人血饅頭」，乘機宣傳「熱狗」自己的「支援基金」。
在4名與「星火同盟」有關者被捕後，鄭松泰就在其fb轉發了相關新聞，及「星火」的「義務大律師」麥雅媛在接受傳媒訪問時稱，「星火同盟從來都不負責被捕人士的法律開支，律師只是透過平台接觸被捕人士，提供法律服務。」他以這兩則新聞來「說明」，「熱狗」為什麼要成立、推出「國民支援」所謂「人道支援網絡」，擺明乘機宣傳。
被視為「熱狗」支持者的「學民苦主大聯盟」fb專頁就講得更直白：「火星（星火）只係第一炮。清算陸續會出現。只有註冊組織唔會受到波及，要捐錢就捐畀熱狗。」
「Alan Mo」就留言吹奏「熱狗」：「其實比起『註冊組織』呢道屏障，熱狗本身先係更有力嘅理由。佢哋遇險咁多次，都為自己手足乃至支持者，盡量減免損傷；更有多次為幫助手足及素人，犧牲組織利益的事例。今次國泰民安人道支援都一樣，真正case by case去為義士籌劃支援方案，亦係基於『共產黨有意封殺支援基金』的前提去設計。」
「星火」支持者「Kirsten Yates」就留言鬧鄭松泰：「×街，當初你叫手足聽你叫信星火同盟，你宜家玩嘢啊！×頭，砍×死你.....」「鄭松泰」在留言中爆粗回應：「×你，咪扮嘢啦，睇你個名就知係一毛。」
「Kaffee D Macher」就話即使「星火」無法運作，「應該可以搵六一二（人道支援）基金幫手嫁喎~~」「Truman Chan」即時攞之前「612」俾人批評經常唔批支援金嘅新聞，揶揄：「每單暴動罪要180萬，所以要慳住洗（使），一毫子都唔郁得（除非係俾泛民收取市價的義務律師就可以）。」鄭松泰即刻回應話係「突破盲腸」喎。 ■香港文匯報記者 陳川