logo 首頁 > 文匯報 > 香港專題 > 正文

【特稿】林兆彬明鬧暗捧 照搞「蛇齋餅糭」

2020-01-06
■林兆彬大搞「蛇齋餅糭」。■林兆彬大搞「蛇齋餅糭」。

泛暴派成日話建制「蛇齋餅糭」,但其實自己亦都大搞「蛇齋餅糭」,搞到不亦樂乎。最新一項活動就係油尖旺區議員、「社區前進」林兆彬搞嘅「新春一天遊」,帶大家去到鯉魚門,食海鮮午宴,每個人都只係168蚊,又話鄙視又要做,叫支持者點好意思報名啊?

睇返佢個「新春一天遊」,定喺下個月16號,帶大家玩勻海陸空咁話,仲有個海鮮宴,有蝦、有海鮮、有雞、有湯,有成九道菜,都係收每人168蚊。有網民都忍唔住話︰「嘩!頂你,識去。」

不過,亦都有泛暴派分子清算佢用「匪語」喎。「Karina Winning Fong」就留言叫林兆彬︰「希望日後盡量唔用『匪語』,香港一直以來都係叫『新年』、『農曆新年』,『新春』係大陸『赤色文化』!」睇嚟班食人血饅頭上位嘅泛暴派之後都要提心吊膽做宣傳,免得得罪自己人嘞。■香港文匯報記者 甘瑜

讀文匯報PDF版面

新聞排行
圖集
視頻